ក្រុមហ៊ុនបច្ចេកវិទ្យាយក្សរបស់កូរ៉េខាងត្បូង Samsung Electronics បានព្យាករណ៍ទុករួចជាច្រើន នូវប្រាក់ចំណេញពីប្រតិបត្តិការត្រីមាសទី១ ចំនួន ៤៤,១៩ ភាគរយ ដែលជំរុញដោយការលក់ស្មាតហ្វូនខ្លាំង និងការដាក់លក់នូវស្មាតហ្វូនស៊េរី Galaxy S21។

កាលពីថ្ងៃអាទិត្យកន្លងទៅនេះ ក្រុមអ្នកឃ្លាំមើលអ៊ិនធឺរណែតរបស់ប្រទេសចិន បានបញ្ជាឲ្យក្រុមហ៊ុនផ្តល់សេវាកម្មតាក់ស៊ី Didi លុបកម្មវិធីរបស់ខ្លួនចេញពី App Store បន្ទាប់ពីការស៊ើបអង្កេតបានរកឃើញថា ការប្រមូលទិន្នន័យអ្នកប្រើប្រាស់របស់វា បានរំលោភបំពានយ៉ាងធ្ងន់ធ្ងរលើបទប្បញ្ញត្តិ។

ភាគហ៊ុននៅក្នុងក្រុមហ៊ុនបច្ចេកវិទ្យាយក្ស Alibaba បានកើនឡើង ៩ ភាគរយកាលពីថ្ងៃច័ន្ទ ដោយសារតែពាណិជ្ជកម្មតាមអ៊ីនធឺណេត ស្របពេលដែលក្រុមហ៊ុនបានធានាដល់វិនិយោគិនថា ការផាកពិន័យជាទឹកប្រាក់ចំនួន ២,៧៨ ពាន់លានដុល្លារ នឹងជះឥទ្ធិពលតិចតួចបំផុតដល់ប្រតិបត្តិការរបស់ខ្លួន។

អង្គភាពរបស់ក្រុមហ៊ុន Nissan Motor Co នៅប្រទេសថៃ គ្រោងនឹងជួលបុគ្គលិកថ្មីជាង ២ ០០០ នាក់បន្ថែមទៀត ខណៈដែលក្រុមហ៊ុនព្យាយាមបង្កើនមូលដ្ឋានផលិតកម្មខ្នាតធំចុងក្រោយរបស់ខ្លួន នៅអាស៊ីអាគ្នេយ៍។