[ទីផ្សារបរទេស] ស្មាតហ្វូន Galaxy S24 បានបំបែកកំណត់ត្រាលក់ឥតឈប់ឈរ ដោយនៅប្រទេសកូរ៉េខាងត្បូង អំឡុងពេលលក់សាកល្បង១សប្ដាហ៍ដំបូង អាចលក់ចេញបាន ១,២លានគ្រឿង និងនៅប្រទេសឥណ្ឌា ទទួលបានការកុម្ម៉ង់ទិញ ២៥ម៉ឺនគ្រឿង ក្នុងពេលត្រឹម ៣ថ្ងៃ។
ពាណិជ្ជកម្ម
ពេលនេះ Galaxy S24 បានបំបែកកំណត់ត្រាកុម្ម៉ង់ទិញនៅប្រទេសហូឡង់វិញម្ដង ដោយនៅប្រទេសនេះ ឃើញថាត្រកូល S24 ទទួលបានការកុម្ម៉ង់ទិញច្រើនជាងមុន ៥០% បើធៀបនឹង S23 កាលពីឆ្នាំមុន។
តំណាង Samsung ប្រចាំនៅហូឡង់ បានលើកឡើងថា ជោគជ័យរបស់ Galaxy S24 គឺមានការរួមចំណែកពីមុខងារវៃឆ្លាត Galaxy AI។ គួរដឹងថា Galaxy AI ជាមុខងារសំខាន់មួយនៃ Galaxy S24 ដែលក្នុងនោះមានរួមបញ្ចូលមុខងារដូចជាឆ្លាតៗជាច្រើន សម្រួលដល់ការប្រើប្រាស់ប្រចាំថ្ងៃ៕