ក្នុងនោះ សម្រាប់វ៉ែនតាឆ្លាតវៃ AR ថ្មីរបស់ក្រុមហ៊ុនចិន XREAL ដែលហៅថា XREAL 1S នេះ មិនត្រឹមតែជាវ៉ែនតា AR ដំបូងគេក្នុងលោក ដែលអាចបម្លែងពី 2D ទៅ 3D ដោយស្វ័យប្រវត្តិប៉ុណ្ណោះនោះទេ ប៉ុន្តែវ៉ែនតានេះ ក៏មាននូវលក្ខណៈពិសេសៗជាច្រើនផងដែត ខណៈតម្លៃវិញ គឺមានតម្លៃលក់ត្រឹមតែ ៤៤៩ដុល្លារប៉ុណ្ណោះ នៅក្នុងទីផ្សារប្រទេសជប៉ុន។
បើនិយាយពីលក្ខណៈពិសេសរបស់វ៉ែនតានេះ គឺមានទម្ងន់ត្រឹមតែ ៨២ក្រាមប៉ុណ្ណោះ ហើយវាក៏ទទួលបាននូវអេក្រង់ Micro-OLED ទំហំ ០.៦៨អ៊ីញ ដែលផលិតដោយក្រុមហ៊ុន Sony ដែលអាចបង្ហាញគុណភាព 1920×1200 pixels និង refresh rate 120Hz ផងដែរ។
លើសពីនេះ វាក៏ទទួលបាននូវបន្ទះឈីប X1 ដែលផលិតដោយខ្លួនឯងផ្ទាល់ រួមជាមួយរន្ធមីក្រូចំនួន ៤ ព្រមទាំងបច្ចេកវិទ្យាអូឌីយ៉ូរបស់ Bose ផងដែរ។
គួរបញ្ជាក់ថា ក្រៅពីវ៉ែនតាឆ្លាតវៃនេះ ក្រុមហ៊ុន XREAL ផ្ទាល់ក៏បានបង្ហាញចេញនូវកញ្ចប់ថ្មដែលមានឈ្មោះថា XREAL Neo ផងដែរ ហើយវាគឺមានថាមពលថ្មធំដល់ទៅ 10,000mAh ឯណ្ណោះ ខណៈតម្លៃវិញ គឺមានតម្លៃត្រឹមតែ ៩៩ដុល្លារប៉ុណ្ណោះ៕