Audi Q5L ថ្មីពីក្រុមហ៊ុនចូលរួម FAW–Audi ត្រូវបានដាក់លក់នៅប្រទេសចិន រថយន្តនេះវែងជាងម៉ូដែលចេញលក់ជាសកល 125 មម។ Q5L ថ្មីនេះមានប្រព័ន្ធ ADAS ដែលអភិវឌ្ឍដោយ Huawei ជាមួយ LiDAR ពីរ និងមានតម្លៃចាប់ពី 44,420 USD SUV នេះមានម៉ាស៊ីន ជំនាន់ទី 5 ដែលមានកម្លាំងរហូតដល់ 200 kW (268 hp)។
Q5L ជំនាន់ទី 3 ស្ថិតលើស្ថាបត្យកម្ម Premium Platform Combustion (PPC) ថ្មី ទំហំ Q5L ថ្មីគឺ 4842/1900/1660 មម ជាមួយគម្លាត់កង់ពីមុខទៅក្រោយ 2,945 មម វែងជាងម៉ូដែលលក់ជាសកលដែលមិនមានអក្សរ “L” ហើយក៏វែងជាង Q5L ជំនាន់ទី 2 ចំនួន 72 មម ទោះវាមានរាងវែង SUV នេះមានកៅអីតែ 5 កៅអីប៉ុណ្ណោះ។
Audi Q5L មានជម្រើសកង់ទំហំ 19, 20 និង 21 អ៊ីញ ហើយភ្លើងមុខមាន 16 តំបន់ភ្លើងខ្ពស់ទាប ខណៈភ្លើងក្រោយមាន LED ចំនួន 266 គ្រាប់។ រថយន្តមាន LiDAR ចំនួនពីរ ពី Huawei និងប្រព័ន្ធ ADS ជំនួយបើកបរ ដែលអាចកំណត់កន្លែងចតរថយន្ត និងបើកបរ Autopilot នៅផ្លូវទីក្រុង និងផ្លូវល្បឿនលឿន។
ខាងក្នុងមានអេក្រង់បីនៅខាងមុខ៖ ១) អេក្រង់ LCD 11.9 អ៊ីញ, ២) អេក្រង់ OLED នៅកណ្តាល 14.5 អ៊ីញ, ៣) អេក្រង់អ្នកអង្គុយខាងមុខ 10.9 អ៊ីញ។ អាចជ្រើសរើសមាន Head-Up Display 13.1 អ៊ីញផងដែរ ដែលវាអាចបង្ហាញផែនទីផ្លូវពិត។ លក្ខណៈពិសេសផ្សេងទៀតរួមមាន កន្លែងសាកទូរស័ព្ទអូតូឥតខ្សែ, ភ្លើង ABL, ប្រព័ន្ធសម្លេង Bang & Olufsen 16 គ្រាប់, និងកៅអីកំដៅ។
Audi Q5L ប្រើម៉ាស៊ីនជំនាន់ទី 5 ម៉ាស៊ីននេះគឺ 2.0 លីត្រ Turbocharged 4 ស៊ីឡាំង មានមកជាមួយ 48V Belt Starter Generator។ ម៉ូដែលមូលដ្ធានមានកម្លាំង 150 kW (201 hp) និងកម្លាំងរមួល 340 Nm។ ម៉ូដែលខ្លាំងជាងគេមានកម្លាំង 200 kW (268 hp) និងកម្លាំងរមួល 400 Nm។ Q5L ថ្មីមានប្រអប់លេខអូតូ 7DCT និង AWD ។
តម្លៃចាប់ផ្តើមនៃ Q5L ថ្មីមានដូចជា៖ Audi Q5L Hybrid Luxury តម្លៃ 44,420 USD, Audi Q5L Exclusive Millions Users តម្លៃ 47,720 USD, Audi Q5L Hybrid Premium តម្លៃ 52,020 USD, និង Audi Q5L Hybrid Flagship តម្លៃ 55,180 USD។
