ក្រុមហ៊ុន SAIC-GM បានបង្ហាញរូបភាពជាផ្លូវការរបស់ Buick Electra E7 ដែលជារថយន្ត SUV 5 កៅអី ថ្មីមួយ និងគ្រោងនឹងចូលទីផ្សារនៅចុងឆ្នាំនេះ។ Electra E7 ត្រូវបានសាងសង់លើវេទិកា “Xiaoyao” fusion architecture របស់ Buick ហើយប្រើប្រាស់បច្ចេកវិទ្យាថ្មី “True Dragon Plug-in Hybrid Pro” របស់ក្រុមហ៊ុន។
ការរចនាខាងក្រៅរបស់ Electra E7 ទទួលបានការបំផុសគំនិតពី Electra SUV Concept ជាមួយទស្សនវិជ្ជា “wing element”។ ខ្សែរចនាមុតស្រួច រួមជាមួយភ្លើងមុខបែបបែកជាពីរផ្នែក បង្កើតផ្នែកខាងមុខដែលមានស្ទាយ wind-chasing shark ខាងក្រោយមានភ្លើង “Galaxy Wing”។ Electra E7 នឹងបំពាក់ប្រព័ន្ធជំនួយបើកបរ “Xiaoyao Zhixing” (Xiaoyao Smart Travel) ដែលប្រើម៉ូដែល AI R6 reinforcement learning របស់ Momenta ដើម្បីផ្តល់សមត្ថភាពបើកបរជំនួយឆ្លាតវៃ។ ផ្នែកកាប៊ីនឆ្លាតវៃត្រូវបានដំណើរការដោយឈីប Qualcomm Snapdragon 8775P ជំនាន់ចុងក្រោយ។
នៅក្រោមដំបូលម៉ាស៊ីន, Buick Electra E7 បំពាក់ប្រព័ន្ធ “True Dragon Plug-in Hybrid Pro” ដែលអាចបើកដោយអគ្គិសនីសុទ្ធ បានលើស 210 គីឡូម៉ែត្រ ហើយចម្ងាយបើកបរសរុបអាចលើស 1,600 គីឡូម៉ែត្រ (CLTC) ។ ប្រព័ន្ធនេះរួមបញ្ចូលម៉ាស៊ីន 1.5T Hybrid ពិសេស ដែលទទួលបានពាន “China Heart – Top Ten Engines” មានកម្លាំងស្តង់ដារ 115 kW និងកម្លាំងបង្វិល 230 N·m។ ម៉ូទ័រអគ្គិសនីផ្តល់កម្លាំងបន្ថែម 165 kW (221 សេះ)។ ថាមពលត្រូវបានរក្សាទុកក្នុងថ្ម LFP។
Electra E7 ប្រើប្រាស់ប្រព័ន្ធជើងក្រោម RTD continuously variable damping suspension បែបព្យាករណ៍មុន ដោយប្រព័ន្ធនេះអាចស្កេនផ្ទៃផ្លូវបាន 500 ដងក្នុងមួយវិនាទី និងកែសម្រួលកម្លាំងប៊ូមក្នុងរយៈពេលមីលីវិនាទី ដល់ 200 ដងក្នុងមួយវិនាទី។ តាមការអះអាងរបស់ Buick ប្រព័ន្ធនេះអាចស្គាល់ផ្លូវខូច ទួលបន្ថយល្បឿន និងគម្របលូ មុនរហូតដល់ 20 ម៉ែត្រ ហើយកែសម្រួលជើងក្រោមជាមុន ដើម្បីបង្កើនភាពទន់ល្អ និងផាសុកភាពសម្រាប់អ្នកដំណើរ។
