ក្នុងនោះ សម្រាប់ប្រព័ន្ធស្ទាក់ចាប់យន្តហោះគ្មានមនុស្សបើក (ដ្រូន) ថ្មីរបស់ប្រទេសអ៊ីស្រាអែលដែលគេហៅថាសំណាញ់មេឃចាប់បក្សី DefendAir នេះ គឺត្រូវបានអភិវឌ្ឈ និងបង្កើតឡើងដោយក្រុមហ៊ុន ParaZero Technologies ។ វាប្រើប្រាស់នូវសំណាញ់បាញ់ ដើម្បីស្ទាក់ចាប់ដ្រូននៅលើអាកាស ពោលគឺមិនប្រើប្រាស់នូវមីសុីល ឬអាវុធបាញ់បំផ្ទុះ ដែលបង្កឲមានគ្រោះថ្នាក់ និងមានតម្លៃថ្លៃនោះឡើយ ហើយវាគឺត្រូវបានបង្កើតឡើងជាពិសេសសម្រាប់ប្រើប្រាស់នៅក្នុងទីក្រុង និងតំបន់ដែលមានមនុស្សរស់នៅច្រើន។
ចំពោះការរចនារបស់សំណាញ់មេឃចាប់បក្សី (DefendAir) នេះ គឺចែកចេញជា ៣ ផ្នែកធំៗគឺ៖
១) បំពាក់នៅលើដ្រូនស្ទាក់ចាប់ ដែលអាចប្រតិបត្តិការបាន ២ គីឡូម៉ែត្រ
២) បំពាក់នៅលើម៉ាសុីន ដែលអាចប្រតិបត្តិការបាន ១០០ ម៉ែត្រ
៣) បំពាក់នៅលើកាំភ្លើងដៃ ដែលអាចប្រតិបត្តិការបានក្នុងចម្ងាយជិតៗ
លើសពីនេះ ប្រព័ន្ធទាំងនេះ ក៏អាចភ្ជាប់ជាមួយប្រព័ន្ធរ៉ាដា ប្រព័ន្ធបញ្ជា និងប្រព័ន្ធគ្រប់គ្រង ក៏ដូចជាប្រព័ន្ធវិទ្យុ ព្រមទាំងកែវយឹត ដើម្បីបង្កើនប្រសិទ្ធភាពក្នុងការរកឃើញ និងស្ទាក់ចាប់ដ្រូនរបស់សត្រូវផងដែរ។
សរុបមក អត្ថប្រយោជន៍ធំៗរបស់សំណាញ់មេឃចាប់បក្សី DefendAir គឺកាត់បន្ថយការចំណាយក្នុងការស្ទាក់ចាប់ដ្រូនសត្រូវ កាត់បន្ថយហានិភ័យដល់ប្រជាពលរដ្ឋ និងរក្សាទុកដ្រូនសម្រាប់ធ្វើការសិក្សា៕