ការលក់ Toyota Highlander បានធ្លាក់ចុះជិត 50% នៅឆ្នាំនេះ ដូច្នេះមិនគួរភ្ញាក់ផ្អើលទេដែលក្រុមហ៊ុនបានធ្វើការកែប្រែសម្រាប់ឆ្នាំ 2026។ ទោះយ៉ាងណា ការកែប្រែទាំងនេះមិនមែនជាព័ត៌មានល្អសម្រាប់អតិថិជនឡើយ ព្រោះជម្រើសរបស់អ្នកប្រើត្រូវបានកាត់បន្ថយ ខណៈដែលតម្លៃដំបូងបានកើនឡើងជិត 5,000 ដុល្លារ។
ព័ត៌មានធំលើម៉ូដែលម៉ាស៊ីនសាំងគឺការដកចេញ LE trim ដែលមានតម្លៃចាប់ពី $40,320 ផ្នែក Hybrid ក៏ត្រូវបានកាត់បន្ថយដែរ ដោយ XLE Nightshade និង Limited 25th Edition ត្រូវបានលុបចោល។ លើសពីនេះទៅទៀត Highlander ឥឡូវមានតែជម្រើស all-wheel drive ប៉ុណ្ណោះ។
ដោយសារតែការលុបចោលម៉ូដែលមូលដ្ឋាន និងបន្ថែម AWD នេះ ទើបធ្វើអោយតម្លៃចាប់ផ្តើមបានឡើងដល់ $45,270 កើនឡើង $4,950 នេះជាការកើនឡើងយ៉ាងច្រើន ហើយមានន័យថា Highlander ឥឡូវនេះថ្លៃជាង Grand Highlander ដែលមានកៅអីបីជួរ។ Grand Highlander ចាប់ផ្តើមតម្លៃ $41,360 និង AWD មានតម្លៃ $42,960 ប៉ុណ្ណោះ។
សម្រាប់ការផ្លាស់ប្តូរឆ្នាំ 2026 មានត្រឹមតែប៉ុណ្ណឹង។ Highlander នៅតែមានជម្រើសម៉ាស៊ីនដូចដើម៖ ម៉ាស៊ីនសាំង ម៉ាស៊ីន 4 ស៊ីឡាំង 2.4 លីត្រ Turbocharged ផលិតកម្លាំង 265 hp (198 kW / 269 PS) និងកម្លាំងបង្វិល 420 Nm។ភ្ជាប់ជាមួយប្រអប់លេខអូតូ 8 វគ្គ និងប្រព័ន្ធ AWD ស្តង់ដារ។ ការប្រើប្រាស់ប្រេង៖ 8.9 L/100 ក្នុងទីក្រុង, 11.9 L/100 លើផ្លូវល្បឿនលឿន, និងជាមធ្យម 10.2 L/100 ។
ម៉ាស៊ីន Hybrid: ម៉ាស៊ីន 4 ស៊ីឡាំង 2.5 លីត្រ + ប្រព័ន្ធប្រអប់លេខ eCVT + ថ្ម Nickel Metal Hydride + ម៉ូទ័រអគ្គិសនីនៅក្រោយ។ ផលិតកម្លាំងសរុប 243 hp (181 kW / 246 PS) ហើយមានអត្រាប្រើប្រាស់ប្រេងក្នុងទីក្រុង 6.7 L/100 km ផ្លូវល្បឿនលឿន 14.9 L/100។
