ផែនទីអាណាចក្ររថយន្តចិន ឆ្នាំ 2026 ហើយនេះក៏ជាព័ត៌មានអំពីក្រុមហ៊ុនរថយន្តចិន! សព្វថ្ងៃនេះ ទីផ្សាររថយន្តចិន គឺជាទីផ្សារធំបំផុត និងស្មុគស្មាញបំផុតនៅលើពិភពលោក។ ក្នុងរយៈពេលប៉ុន្មានឆ្នាំចុងក្រោយនេះ មានការប្រែប្រួលយ៉ាងខ្លាំងចំពោះចំនួនក្រុមហ៊ុន ដោយសារការប្រកួតប្រជែងខ្លាំងក្លា និងការផ្លាស់ប្តូរទិសដៅទៅរកថាមពលអគ្គិសនីរហូតដល់ចុងឆ្នាំ 2026។
នេះគឺជាទិន្នន័យសំខាន់ៗ 3 ដែលបងប្អូនគួរដឹង៖
1. ចំនួនក្រុមហ៊ុន និងម៉ាក៖ ចំនួនម៉ាកដែលកំពុងដំណើរការ៖ បច្ចុប្បន្នមានប្រហែល 150 ម៉ាក នៅក្នុងទីផ្សារចិន ហើយក្រុមហ៊ុនក្នុងស្រុកមានប្រហែល 97 ម៉ាកចិន ដែលជាកម្មសិទ្ធិរបស់ក្រុមហ៊ុនក្នុងស្រុក (ទាំងរដ្ឋ និងឯកជន) វាក៏មានរលកនៃការរួមបញ្ចូលគ្នាដោយនៅឆ្នាំ 2019 ចំនួនក្រុមហ៊ុនផលិតរថយន្តមានជិត 500 ក្រុមហ៊ុន ប៉ុន្តែចំនួននេះកំពុងថយចុះយ៉ាងខ្លាំង មកនៅប្រហែល 100 ក្រុមហ៊ុនធំៗ នៅឆ្នាំ 2025/2026 ក៏មានក្រុមហ៊ុន Startup តូចៗជាច្រើនក្ស័យធន និងក្រុមហ៊ុនធំៗរួមបញ្ចូលគ្នា ដើម្បីរស់រានមានជីវិតក្នុងការប្រកួតប្រជែង។
2. មហាអំណាចដឹកនាំទីផ្សារ (ក្រុមធំៗ)៖ រថយន្តចិនភាគច្រើន ត្រូវបានគ្រប់គ្រងដោយក្រុមហ៊ុនធំៗ ដែលមានម៉ាកជាច្រើននៅក្រោមស្លាកតែមួយដូចជា Geely Group មាន (Geely, Zeekr, Lynk & Co, Volvo, Lotus, Polestar) BYD Group មាន (BYD, Yangwang, Denza, Leopard), SAIC Group មាន (MG, Roewe, Maxus), Changan Group មាន (Changan, Deepal, Avatr), Chery Group មាន (Chery, Jetour, Exeed, Omoda) និង Great Wall Motor (GWM) មាន (Haval, Tank, Ora, Wey)(នៅមានច្រើនទៀត)។
3. ក្រុមហ៊ុន Startup ជំនាន់ថ្មីផ្តោតលើរថយន្តអគ្គិសនី មានក្រុមហ៊ុនជំនាន់ថ្មីមួយក្រុម ដែលផលិតតែរថយន្តអគ្គិសនី ឬ Hybrid ឆ្លាតវៃប៉ុណ្ណោះ ដោយរួមមាន៖ NIO (Nio), XPeng (Xpeng), Li Auto, Xiaomi Auto (Xiaomi ទើបចូលទីផ្សារតែសន្ទុះមានការគាំទ្រ យ៉ាងខ្លាំង), Leapmotor។
ទោះបីជាមានក្រុមហ៊ុនតូចៗរាប់រយក៏ដោយ ក៏មានតែប្រហែល 8 ទៅ 12 ក្រុមហ៊ុនធំៗ ប៉ុណ្ណោះ ដែលគ្រប់គ្រងការផលិតកម្ម និងការនាំចេញរថយន្តភាគច្រើននៅលើពិភពលោក។ ទីផ្សារនឹងបន្តប្រយុទ្ធ ដើម្បីឲ្យនៅសល់តែក្រុមហ៊ុនធំៗ ដែលមានសមត្ថភាពបច្ចេកវិទ្យា និងហិរញ្ញវត្ថុខ្លាំងប៉ុណ្ណោះ។
ចឹងសរុបសេចក្តីចិនមិនមែនជាប្រទេស “ចម្លងតាម” ទៀតឡើយ ប៉ុន្តែបានក្លាយជាអ្នកដឹកនាំពិភពលោកក្នុងបច្ចេកវិទ្យាថ្មអគ្គិសនី និង AI សម្រាប់រថយន្ត។ នៅឆ្នាំខាងមុខ ក្រុមហ៊ុនដែលអាចរស់រានមានជីវិត មិនមែនត្រឹមតែធំប៉ុណ្ណោះទេ ប៉ុន្តែត្រូវតែជា ក្រុមហ៊ុនឆ្លាតវៃបំផុតផងដែរ។ ជាចុងក្រោយខ្ញុំក៏សំណួរទៅកាន់បងប្អូនដែរថាប្រសិនបើបងប្អូនកំពុងគិតទិញរថយន្តចិន តើក្រុមហ៊ុនណាមួយក្នុងចំណោមនេះ ដែលបងប្អូនមានអារម្មណ៍ថា មានសុវត្ថិភាព និងទុកចិត្តបានបំផុត?
