Bentley បានបញ្ចេញ Continental និង Flying Spur ជាថ្មីក្នុងកម្រិតថាមពលបន្ថយ ប៉ុន្តែមានកម្លាំងដល់ទៅ 671 សេះ ដោយក្នុងរដូវក្តៅនេះ Bentley បានធ្វើអោយ Continental GT ថ្មីបែប Speed ប្រើម៉ាស៊ីន Plug-in Hybrid V-8 ជំនួសម៉ាស៊ីន W-12 ដែលប្រើជាយូរមកហើយ។ ប្រព័ន្ធម៉ាស៊ីននេះត្រូវបានយកទៅប្រើសម្រាប់ម៉ូឌែល Flying Spur Speed ឆ្នាំ 2025 ដែរ។ ពេលនេះ Bentley ក៏បាននាំចេញម៉ាស៊ីន Hybrid V-8 មួយម៉ូឌែលបន្ថែមទៀត ដែលមានថាមពលតិចជាងសម្រាប់ Continental GT, Continental GT Convertible និង Flying Spur Sedan ក្នុងឆ្នាំ 2026 ខាងមុខ។
ម៉ាស៊ីនថ្មីនេះមានឈ្មោះថា High Performance Hybrid ខុសពីម៉ាស៊ីន Ultra Performance Hybrid ដែលប្រើនៅលើម៉ូឌែល Speed និង Mulliner។ ក្នុងការរៀបចំថ្មីនេះ ម៉ាស៊ីន Twin-Turbo V-8 ទំហំ 4.0-Liter និងម៉ូទ័រអគ្គិសនី ផ្តល់ថាមពលសរុប 671 សេះ និងកម្លាំងរមួល 930 Nm ទោះបីមានសេះតិចជាងម៉ូឌែល Ultra Performance Hybrid 100 សេះ ក៏នៅតែខ្លាំងជាងម៉ាស៊ីន W-12 ចាស់ៗផងដែរ។
ជាមួយកម្លាំងមួយនេះ Continental GT មានសន្ទុះពី 0-100Km/h វាចាយពេល 3.5 វិនាទី។ Continental GT Convertible និង Flying Spur Sedan ត្រូវការវេលា 3.8 វិនាទី។ ម៉ូឌែល Continental ថ្មីទាំងនេះក៏ត្រូវបំពាក់នឹងប្រព័ន្ធ adaptive damping ការបញ្ជាទៅកង់ក្រោយ (rear-wheel steering) និង limited-slip differential ដែរ។
Bentley ថា Continental GT Plug-in Hybrid អាចបើកដោយប្រើថាមពលអគ្គិសនីដល់ទៅ 85.3 គីឡូម៉ែត្រ ឆ្ងាយជាងម៉ូដែល Ultra Performance Hybrid 16.1 គីឡូម៉ែត្រ។ ម៉ូឌែល Convertible អាចបើកបាន 82.1 គីឡូម៉ែត្រ តែ Flying Spur មិនទាន់មានការបញ្ជាក់អំពីចម្ងាយបើកដោយអគ្គិសនីទេ។
Bentley មិនទាន់ប្រកាសតម្លៃផ្លូវការសម្រាប់ម៉ូឌែលថ្មីទាំងនេះទេ។ Continental GT Speed ឆ្នាំ 2025 មានតម្លៃចាប់ពី $306,250 ដូច្នេះម៉ូឌែលថ្មីគួរតែមានតម្លៃក្រោម $300,000 សម្រាប់ Flying Spur Speed ឆ្នាំ 2025 តម្លៃចាប់ពី $276,450 ដូច្នេះ Flying Spur ថ្មីនឹងចប្រហែលចាប់ពី $225,000 ។