បន្ទាប់ពីប្រកាសកែប្រែនយោបាយពន្ធរបស់ខ្លួនទៅលើប្រទេសចិន និងប្រទេសជាច្រើនផ្សេងទៀតនៅជុំវិញពិភពលោក ពេលនេះ ប្រធានាធិបតីអាមេរិក ដូណាល់ ត្រាំ ត្រូវបានគេរាយការណ៍ថា នឹងពិចារណាអំពីការបញ្ចុះពន្ធគយខ្លះលើទំនិញនាំចូលពីចិន និងប្រទេសផ្សេងទៀតនៅក្នុងរយៈពេលឆាប់ៗខាងមុខនេះ។
ក្នុងនោះ បន្ទាប់ពីមានការប្រកាសមួយនេះ អ្នកនាំពាក្យក្រសួងការបរទេសចិនបានឆ្លើយតបភ្លាមៗថា ទ្វារផ្ទះរបស់ពួករង់់ចាំសម្រាប់ការចរចានេះជានិច្ច ប៉ុន្តែបើគិតមកត្រឹមពេលនេះ គឺគ្មានភាគីណាលូកដៃទៅចរចាមុននៅឡើយនោះទេ។
គួរបញ្ជាក់ថា ប្រសិនបើការបញ្ចុះពន្ធនេះអាចសម្រេចបានដោយជោគជ័យពិតមែន នោះវានឹងក្លាយជាការបើកផ្លូវថ្មីសម្រាប់ការចរចា និងកាត់បន្ថយភាពតានតឹងពាណិជ្ជកម្មរវាងប្រទេសទាំងពីរ ដែលកំពុងតែក្លាយជាបញ្ហាទាក់ទាញចំណាប់អារម្មណ៍នៅលើឆាកពិភពលោកយ៉ាងខ្លាំង និងបានបង្កឲមាននូវផលប៉ះពាល់ដល់ទីផ្សារហិរញ្ញវត្ថុ និងទំនាក់ទំនងរវាងរដ្ឋាភិបាលទាំងពីរ៕