ក្រុមហ៊ុន Deepal បានចាប់ផ្តើមលក់នូវរថយន្ត SUV ធំសម្រាប់គ្រួសារដំបូងរបស់ខ្លួនដែលជារថយន្តកំពូលគឺជា S09 នៅពិព័រណ៍រថយន្តទីក្រុងស៊ាងហៃឆ្នាំ 2025។ S09 ត្រូវបានកំណត់ថាជា “រថយន្ត SUV ឆ្លាតវៃសម្រាប់គ្រួសារ មានកន្លែងអង្គុយ 6 ហើយបានចូលទៅក្នុងទីផ្សាររថយន្តថាមពលថ្មី (PHEV) ដើម្បីប្រកួតប្រជែងជាមួយក្រុមហ៊ុនដ៏ល្បីជាច្រើន ដូចជា Li Auto L9 និង AITO M9។ S09 មានជម្រើស 5 សម្រាប់បងប្អូនអ្នកប្រើប្រាស់ដែលមានដូចជាម៉ូដែល Max ប្រើប្រាស់នូវប៉ុងក្រោយក៏ដូចជា Ultra និង Ultra+ ក៏ប្រើប្រាស់នូវប៉ុងក្រោយដូចគ្នា ហើយសម្រាប់ម៉ូដែល Ultra និង Ultra+ High-Definition គឺប្រើប្រាស់ប្រាស់នូវប៉ុងពីរ (AWD)។
រចនាបថខាងក្រៅ និងទំហំរបស់ S09 មានរចនាបថពិសេសរបស់ Deepal ដែលផ្សំដោយលក្ខណៈមើលទៅបែបអនាគតដោយ ផ្នែកខាងមុខមានភ្លើង LED និងភ្លើងបំភ្លើពេលថ្ងៃស្រស់ស្អាតអូសកាត់ពេញមុខរថយន្តតែម្តង ជាមួយនិងភ្លើងខាងក្រោយអូសកាត់ដូចគ្នាដែលមាន Logo Deepal ជាអំពូល LED ហើយសម្រាប់ទំហំថយន្តគឺវាមានប្រវែងបណ្តោយ: 5,050mm ទទឹង: 1,960mm កម្ពស់: 1,750mm ចម្ងាយពីកង់មុនទៅកង់ក្រោយ: 3,050mm រថយន្តនេះបើមើលពីផ្នែកជំហៀងពិតជាមានភាពទាក់ទាញមែនទែនដោយសារតែវាមានដៃទ្វាំបង្កប់ យ៉ានកង់អាលុយមីញ៉ូមធំឌីស្សាញបែបផ្កាយ ក្រឡោកកញ្ចក់មានព័ណ៌ប្រាក់ ធ្នឹមទ្វារថយន្តក៏ប្រើប្រាស់ព័ណ៌ប្រាក់ដោយមើលពីជំហៀងទៅពិតជាលេចធ្លោមែនទែន
ផ្នែកខាងក្នុង និងបច្ចេកវិទ្យារបស់ S09 ត្រូវបានគេហៅថា “អវកាសទីបីសម្រាប់គ្រួសារ”(family smart third space) ដែលបំពាក់ដោយប្រព័ន្ធ Huawei HarmonySpace 5 ដែលលក្ខណៈពិសេសអេក្រង់កម្សាន្តខាងក្រោយទំហំ 21.4 អ៊ីង កម្រិត 3K ច្បាស់ល្អ ជាមួយនឹងការចូលទៅកាន់ការទស្សានា Video នៅលើបណ្តាយសង្គមដ៏ពេញនិយម។ អេក្រង់នៅផ្នែកខាងមុខធំសម្រាប់អ្នកបើកបរមាន អេក្រង់ធំបញ្ចូលគ្នា ដែលភ្ជាប់ពីផ្នែកម្ខាងអ្នកបើកបរទៅដល់កណ្តាលដែលមានទំហំរួមប្រហែលជា 15.6-inch (តែ Deepal មិនទើបបង្ហាញទំហំជាក់លាក់ជាផ្លូវការទេ) ដោយអេក្រង់នេះក៏ប្រើប្រាស់ជាមួយ touchscreen និង voice control (តាម HarmonySpace OS 5) ដែលបំពាក់បច្ចេកវិទ្យា Huawei HarmonyOS ប្រព័ន្ធនេះអាចតភ្ជាប់ទៅនឹងទូរស័ព្ទ Huawei និងមាន AI Assistant ក្នុងរថយន្តគ្រប់គ្រងពេញមួយរថយន្តតែម្តង។
សម្រាប់ម៉ាស៊ីន និងការសាកភ្លើង S09 ប្រើបច្ចេកវិទ្យា Super Range Extension 2.0 ជំនាន់ថ្មីរបស់ Deepal ដែលបញ្ចូលគ្នារវាងម៉ាស៊ីន 1.5T range extender ថ្ម LFP (Lithium Iron Phosphate) គាំទ្រការសាករហូតដល់ទៅ 800V Ultra-Fast Charging ដោយបន្ថែមរហូតដល់ទៅ 300km ក្នុងការសាក 10 នាទីប៉ុណ្ណោះ
ប្រព័ន្ធជំនួយអ្នកបើកបរសម្រាប់ S09 S09 ជារថយន្ត Deepal ដំបូងដែលប្រើ Huawei ADS 3.3 ជាប្រព័ន្ធជំនួយបើកបរជំនាន់ថ្មី ដែលគាំទ្រការបើកបរជាច្រើន និងដោះស្រាយបញ្ហាទូទៅនៃការចតរថយន្តដែលមានខ្លួនធំៗនៅទីទាំងតូចបានយ៉ាងឆ្លាតវៃ។
តម្លៃលក់ក្នុងការកក់មុនមានចន្លោះពី $32,900 ដល់ $42,500 អាមេរិក។
