កាលពីពេលថ្មីៗនេះ ប្រធានាធិបតីរបស់សហរដ្ឋអាមេរិកលោក Donald Trump បានបង្ហាញថា ក្រុមហ៊ុន Microsoft កំពុងពិភាក្សាក្នុងការទិញកម្មវិធី TikTok ដែលជាកម្មវិធីដ៏ពេញនិយមដែលមានអ្នកប្រើប្រាស់ប្រហែល 170 លាននាក់នៅសហរដ្ឋអាមេរិក។
តែក្នុងនោះ ក្រុមហ៊ុន Microsoft បានបដិសេធមិនអាចធ្វើការអត្ថាធិប្បាយអំពីការពិភាក្សានេះនោះទេដោយសារតែស្ថានភាពមិនច្បាស់លាស់នៅឡើយ ខណៈនៅពេលនេះ ម្ចាស់កម្មវិធី TikTok ក្រុមហ៊ុន ByteDance ក៏មិនបានឆ្លើយតបអំពីបញ្ហានេះផងដែរ។
ជាមួយគ្នានេះ លោក Donald Trump ក៏បានបញ្ជាក់ផងដែរថា គាត់កំពុងពិភាក្សាជាមួយភាគីផ្សេងៗទាក់ទងនឹងអនាគតរបស់ TikTok នៅសហរដ្ឋអាមេរិក និងមានគម្រោងសម្រេចចិត្តក្នុងរយៈពេល 30 ថ្ងៃបន្ទាប់ទៀត។ បើតាមប្រភពពិភាក្សាដែលកើតឡើងក៏បានបង្ហាញពីភាពអាចទៅរួចក្នុងការរួមបញ្ចូលគ្នារវាង TikTok និងក្រុមហ៊ុន Perplexity AI ដែលមាន Microsoft ជាអ្នកដឹកនាំក្នុងការពិភាក្សាផ្សេងៗនៅលើការទិញ TikTok នេះផងដែរ។
គួរឲដឹងថា នេះគឺជាលើកទី ២ ដែល Microsoft បានចូលរួមក្នុងការពិភាក្សាក្នុងការទិញ TikTok។ កាលពីឆ្នាំ 2020 ,Microsoft បានក្លាយជាអ្នកដឹកនាំក្នុងការទិញ TikTok ប៉ុន្តែការពិភាក្សានោះត្រូវបានបញ្ចប់ដោយការចាត់ទុកថាជាករណីចម្លែកបំផុត៕