កម្មវិធីដែលកំពុងមានប្រជាប្រិយភាពខ្លាំងបំផុត និងមានការជជែកគ្នាច្រើនបំផុតរបស់ពិភពលោកគឺ TikTok បានចាប់ផ្តើមដំណើរការ ឫដាក់ឲដំណើរការប្រើប្រាស់ឡើងវិញនៅសហរដ្ឋអាមេរិកហើយ ក្រោយការបញ្ចេញសេចក្តីថ្លែងការណ៍របស់ប្រធានាធិបតីជាប់ឆ្នោត Donald Trump ដែលបានអះអាងថា TikTok នឹងត្រូវបានរក្សាទុកនៅសហរដ្ឋអាមេរិកនៅពេលប្រកាសចូលកាន់តំណែងឡើងវិញ។
គួរបញ្ជាក់ថា កម្មវិធី TikTok នេះត្រូវបានបញ្ឈប់ដំណើរការបណ្តោះអាសន្នកាលពីថ្ងៃសៅរ៍ដោយសារភាពបារម្ភរបស់សហរដ្ឋអាមេរិកដែលពាក់ព័ន្ធនឹងសន្តិសុខជាតិ និងទិន្នន័យផ្ទាល់ខ្លួន។ ទោះជាយ៉ាងណា TikTok បានចាប់ផ្តើមដាក់ឲដំណើរការឡើងវិញសម្រាប់អ្នកប្រើប្រាស់ជាង 170 លាននាក់នៅសហរដ្ឋអាមេរិកហើយ។
មិនត្រឹមតែប៉ុណ្ណោះ ការកែប្រែនេះក៏បានផ្តល់ឱកាសដល់អាជីវកម្មខ្នាតតូចជាង 7 លាននៅសហរដ្ឋអាមេរិកផងដែរ។ យ៉ាងណាក្តី បញ្ហានយោបាយរវាងសហរដ្ឋអាមេរិក និងចិននៅតែមានភាពតានតឹង ខណៈការដែលដាក់ឲដំណើរការឡើងវិញនៅសហរដ្ឋអាមេរិកត្រូវបានអះអាងថានឹងមានការចុះកិច្ចសន្យាថ្មីៗក្នុងការបណ្តាក់ទុន និងដំណោះស្រាយសម្រាប់ការប្រើប្រាស់កម្មវិធីនេះនាពេលអនាគត៕