តម្លៃលក់ខ្ពស់របស់ Apple Vision Pro ខ្ទង់ ៣ ៤៩៩ដុល្លារ នៅក្នុងទីផ្សារអាមេរិក បានធ្វើឱ្យ Apple មានការលំបាកក្នុងការទាក់ទាញអ្នកប្រើប្រាស់ជាខ្លាំង។ តែថ្មីៗនេះបានលេខឭថា Apple អាចនឹងផ្តល់នូវភាពចាប់អារម្មណ៍ដោយប្រើការរចនាថ្មីសម្រាប់ iOS 19 ដោយពួកគេអាចនឹងនាំមកនូវការរចនាឡើងវិញសម្រាប់កម្មវិធីកាមេរ៉ានៅលើ iOS 19 ដែលបានខ្ចីពី VisionOS ដែលធ្វើឲមានភាពល្អប្រសើរដូចនឹង VisionOS ដោយមិនចាំបាច់ឲអ្នកប្រើប្រាស់ចំណាយលុយច្រើន នេះបើយោងតាមលោក Jon Prosser ។
ចំពោះការរចនាថ្មីក្នុងកម្មវិធី Camera, Apple នឹងធ្វើការរចនាកម្មវិធី Camera ក្នុង iOS 19 ជាថ្មី ដោយផ្អែកលើ VisionOS ។ ក្នុងនោះការរចនាថ្មីនឹងធ្វើឲមានអេក្រង់មើលរូបភាពធំជាងមុន និងមានរចនាប័ទ្មស្អាត ឫក៏ល្អប្រសើរជាងមុន។ ខណៈការរចនាថ្មីនេះនឹងផ្តោតលើភាពសាមញ្ញ ដោយមានតែជម្រើសចម្បងចំនួន ២ តែប៉ុណ្ណោះគឺ Camera និង Video ដែលអាចចូលប្រើបានដោយងាយស្រួល។ ជាមួយគ្នាក៏អាចនឹងទទួលបានការកំណត់បន្ថែមមួយចំនួនដូចជា aspect ratio និង depth ជាដើម។
ពាណិជ្ជកម្ម
លើសពីនេះ លោក Prosser ក៏បានបង្ហាញថា Apple អាចនឹងបញ្ជូលមុខងារថ្មីៗរបស់ VisionOS ទៅក្នុងកម្មវិធី Camera, Music, Notes និង Wallet ជាជំហានដំបូងផងដែរ ដែលនេះអាចជារបៀបធ្វើការរបស់ Apple ដើម្បីធ្វើឱ្យអ្នកប្រើប្រាស់អាចទទួលបានការរចនាថ្មី និងអាចរក្សាអ្នកប្រើប្រាស់ដល់ស្ដុកស្ដម្ភរបស់ពួកគេបាន៕
