ប្រទេសអ៊ុយក្រែន បានបិទដែនអាកាសរបស់ខ្លួនចំពោះការហោះហើរស៊ីវិល បន្ទាប់ពីរុស្ស៊ីចាប់ផ្តើមសកម្មភាពយោធាក្នុងប្រទេស។
ជាមួយគ្នានេះដែរ អ៊ុយក្រែនបានលើកឡើងពីហានិភ័យខ្ពស់ចំពោះសុវត្ថិភាពហោះហើរ ដោយសារការប្រើប្រាស់អាវុធ និងឧបករណ៍យោធា។
មិនតែប៉ុណ្ណោះ ប្រទេស Moldova ក៏បាននិយាយថា ខ្លួនកំពុងបិទដែនអាកាសរបស់ខ្លួន ហើយប្រទេស Belarus បានបិទផ្នែកខ្លះនៃដែនអាកាសរបស់ខ្លួនផងដែរ។
ទីភ្នាក់ងារសុវត្ថិភាពអាកាសចរណ៍សហភាពអឺរ៉ុប European Union Aviation Safety Agency បានព្រមានពីហានិភ័យសុវត្ថិភាពក្នុងការហោះហើរ នៅក្នុងដែនអាកាសនៅជិតព្រំដែនអ៊ុយក្រែន រួមទាំងនៅក្នុងប្រទេសរុស្ស៊ីទៀតផង។
ពួកគេបាននិយាយថា “យន្តហោះស៊ីវិល អាចនឹងមានហានិភ័យនៃការកំណត់គោលដៅដោយចេតនា និងការកំណត់អត្តសញ្ញាណខុស។ វត្តមាន និងលទ្ធភាពនៃការប្រើប្រាស់ប្រព័ន្ធសង្គ្រាមក្នុងដី និងផ្លូវអាកាសដ៏ធំទូលាយ បង្កឲ្យមានហានិភ័យខ្ពស់សម្រាប់ជើងហោះហើរស៊ីវិល ដែលប្រតិបត្តិការនៅគ្រប់រយៈកម្ពស់ និងកម្រិតហោះហើរទាំងអស់”៕
