យោងតាមប្រភពព័ត៌មានបានឲ្យដឹងថា ក្រុមហ៊ុន Netflix កំពុងចាប់ផ្តើមបើកដំណើរការហ្គេមដំបូងបង្អស់របស់ខ្លួន នៅទូទាំងពិភពលោក ខណៈដែលខ្លួនព្យាយាមបំបែកចូលទៅក្នុងទីផ្សារនៃការជាវហ្គេម (game subscription market)។
ពាណិជ្ជកម្ម
ចាប់ពីថ្ងៃអង្គារនេះ ក្រុមហ៊ុន Netflix នឹងបញ្ចេញការអាប់ដេតទៅកាន់កម្មវិធី Netflix របស់ខ្លួន នៅលើស្មាតហ្វូន Android ដោយបង្ហាញពីហ្គេមណាដែលអាចទាញយកបាន។
ក្នុងនោះ ហ្គេមទូរសព្ទចំនួន ៥ ត្រូវបានរួមបញ្ចូលសម្រាប់ subscriber របស់ Netflix។ វាក៏សន្យាថា ហ្គេមនឹងមកកាន់តែច្រើនបន្ថែមទៀត ដោយមិនមានការផ្សាយពាណិជ្ជកម្មនៅក្នុងហ្គេម និងមិនមានការទិញក្នុងកម្មវិធី ដូចអ្វីដែលមាននៅក្នុងហ្គេមទូរស័ព្ទផ្សេងទៀតនោះទេ។
ក្នុងចំណោមហ្គេមទាំង ៥ ដែលចាប់ផ្តើមជាមួយសេវាកម្មនេះ មានហ្គេមចំនួន ២ ត្រូវបានភ្ជាប់ទៅនឹងស៊េរីរឿង Stranger Things ដ៏ពេញនិយមរបស់ក្រុមហ៊ុន Netflix ដែលកំពុងចាក់ផ្សាយ៕
- Stranger Things: 1984
- Stranger Things 3: The Game
- Card Blast
- Teeter Up
- Shooting Hoops