ម្ចាស់ TikTok មើលឃើញប្រាក់ចំណូលកើនឡើងទ្វេដង នៅឆ្នាំ ២០២០

ByteDance ដែលជាក្រុមហ៊ុនចិននៅពីក្រោយកម្មវិធីវីដេអូ TikTok បានមើលឃើញថាប្រាក់ចំណូលរបស់ខ្លួនកើនឡើងទ្វេដង កាលពីឆ្នាំមុន។

ពាណិជ្ជកម្ម

សារផ្ទៃក្នុងមួយដែលត្រូវបានផ្សព្វផ្សាយដល់បុគ្គលិកបានបង្ហាញថា ប្រាក់ចំណូលសរុបរបស់ក្រុមហ៊ុន ByteDance បានកើនឡើង ១១១% ស្មើនឹង ៣៤,៣ ពាន់លានដុល្លារ សម្រាប់ឆ្នាំ ២០២០ ។ តួលេខនេះបានគូសបញ្ជាក់ពីប្រជាប្រិយភាពជាសកលរបស់ TikTok ថាកាន់តែកើនឡើងខ្លាំង។

មិនតែប៉ុណ្ណោះ ByteDance ក៏បានមើលឃើញពីប្រាក់ចំណេញប្រចាំឆ្នាំរបស់ខ្លួន កើនឡើង ៩៣% ដល់ ១៩ ពាន់លានដុល្លារ ខណៈពេលដែលវាបានខាតបង់ប្រាក់សរុបចំនួន ៤៥ ពាន់លានដុល្លារ ក្នុងរយៈពេលដូចគ្នា។

ទោះជាយ៉ាងណាក៏ដោយ ការខាតបង់នោះត្រូវបានគេសន្មតថាជា ការកែគណនេយ្យតែមួយ (one-off accounting adjustment) និងមិនទាក់ទងនឹងប្រតិបត្តិការរបស់ក្រុមហ៊ុនឡើយ។

សារខាងលើនោះដដែលក៏បានបង្ហាញថា ក្រុមហ៊ុន ByteDance មានអ្នកប្រើប្រាស់សកម្មប្រចាំខែ ប្រហែល ១,៩ ពាន់លាននាក់ គិតត្រឹមខែធ្នូ ឆ្នាំ២០២០៕