កម្មករអនាម័យនៅវៀតណាម អត់បានប្រាក់ឈ្នួលរាប់ខែ ចុងក្រោយដើររើសអេតចាយដើម្បីរស់

កម្មករអនាម័យ ២០០ នាក់នៃក្រុមហ៊ុនមួយនៅក្នុងទីក្រុងហាណូយ ប្រទេសវៀតណាម ដែលបានបញ្ចប់កិច្ចសន្យាដោយមិនទទួលបានប្រាក់ខែរបស់ពួកគេ អស់រយៈពេលជាច្រើនខែ កំពុងធ្លាក់ខ្លួនដើររើសអេតចាយដើម្បីរកប្រាក់ចំណូល។

.

ពាណិជ្ជកម្ម

ក្រុមហ៊ុន Minh Quan Hi-Tech JSC ត្រូវបានទិញដោយក្រុមហ៊ុន Nam Hanoi Group JSC នៅដើមឆ្នាំ ២០២១ ប៉ុន្តែក្រុមហ៊ុននេះមិនបានបង់ប្រាក់ខែដល់អតីតបុគ្គលិកដែលជំពាក់និយោជិករបស់ខ្លួន ចាប់ពីខែកក្កដា ដល់ខែធ្នូ ឆ្នាំ២០២០។ ក្រោយមកកម្មករត្រូវបានបណ្តេញចេញកាលពីចុងខែធ្នូ។

លោកស្រី Tran Thi Bich តំណាងក្រុមហ៊ុន Nam Hanoi Group បាននិយាយថា ចំនួនប្រាក់ឈ្នួលដែលមិនបានបង់គឺជាការទទួលខុសត្រូវរបស់ Minh Quan Hi-Tech JSC។ លោកស្រីបាននិយាយទៀតថា ក្រុមហ៊ុននេះកំពុងធ្វើការជាមួយថ្នាក់ដឹកនាំនៃក្រុមហ៊ុន Minh Quan Hi-Tech JSC ដើម្បីទូទាត់ប្រាក់ឈ្នួលឲ្យកម្មករ។

ទន្ទឹមនឹងនេះ កម្មករជាច្រើនបានដើរប្រមូលសំរាម និងអេតចាយ បន្ទាប់ពីបញ្ចប់ការងារធម្មតាផ្សេងទៀតដែលពួកគេបានរកឃើញដើម្បីសងបំណុល ដោយសារពួកគេមិនបានទទួលប្រាក់ឈ្នួលច្រើនខែ៕