Baby Shark ជាវីដេអូចម្រៀងតុក្កតាដ៏ពេញនិយមបំផុតសម្រាប់កុមារជុំវិញពិភពលោក ដែលមានអ្នកទស្សនាដល់ទៅ ១៦ពាន់លានដង ជាចំនួនទស្សនាច្រើនជាងគេនៅលើយូធូប។
នៅថ្ងៃទី១៨ ខែវិច្ឆិកា ឆ្នាំ២០២៥នេះ ក្រុមហ៊ុន Pinkfong ដែលផលិតវីដេអូ Baby Shark បានឈានជើងចូលផ្សារភាគហ៊ុនកូរ៉េខាងត្បូងជាលើកដំបូង ដោយទទួលបាននូវកំណើនភាគហ៊ុនដល់ទៅ ៩% ដែលធ្វើឲ្យតម្លៃទីផ្សារពួកគេកើនដល់ទៅ ៤០០លានដុល្លារ។
គួរបញ្ជាក់ផងថា Pinkfong កាលពីដំបូងឡើយមានឈ្មោះ SmartStudy ជាអាជីវកម្មខ្នាតតូចមួយមានក្រុមការងារតែ ៣នាក់ប៉ុណ្ណោះ ក្នុងនោះមានលោក Kim និងលោក Dongwoo Son ដែលជាប្រធានផ្នែកបច្ចេកវិទ្យា។ ត្រូវបានបង្កើតឡើងនៅឆ្នាំ ២០១០ ក្នុងគោលដៅផលិតវីដេអូសម្រាប់កុមារតូចៗដល់អាយុ ១២ឆ្នាំ។
ចំណែកប្រភពដើមវីដេអូ Baby Shark ត្រូវបានផលិតឡើងដោយជនជាតិកូរ៉េគឺលោក Kim Min-seok ដែលលោកបានបង្ហោះនៅលើគណនីយូធូប Pinkfong នៅអំឡុងឆ្នាំ ២០១៦។ ព្រោះតែភ្លេង និងទំនុកច្រើនទាក់ទាញ ធ្វើឲ្យវីដេអូ ២នាទីជាងនេះ ចាប់ផ្តើមល្បីល្បាញពាសពេញពិភពលោក។ កត្តានេះបានធ្វើឲ្យ អាជីវកម្មកាន់ តែរីកចម្រើនក្លាយជាក្រុមហ៊ុនខ្នាតធំមួយ ដែលអាចពង្រិកខ្លួនទៅក្នុងទីក្រុងធំៗ ៣កន្លែងគឺ Tokyo, Shanghai និង Los Angeles ជាមួយកំណើនបុគ្គលិកប្រមាណ ៣៤០នាក់ ដែលកំពុងធ្វើការនាពេលបច្ចុប្បន្ន។