ក្នុងគោលបំណងបម្លែងរចនាប័ទ្មរថយន្តអគ្គិសនីសុទ្ធដែលមានស្រាប់ឱ្យក្លាយជារថយន្ត Hybrid ឬ Range-extended, Horse Powertrain ដែលជាការសហការរវាង Geely Holding និង Renault Group បានបង្ហាញ “Future Hybrid System” ដែលនឹងដាក់លើងទីផ្សារនៅឆ្នាំ 2027 ។ ប្រព័ន្ធ Hybrid ថ្មីនេះ ជាផ្នែកមួយនៃគ្រួសារ X-Range របស់ Horse Powertrain ដែលបានបង្ហាញជាលើកដំបូងនៅ Shanghai Auto Show ចុងឆ្នាំ 2025 ហើយបន្តធ្វើឱ្យប្រសើរឡើង និងបង្ហាញម្ដងទៀតនៅ IAA Munich ក្នុងឆ្នាំនោះដូចគ្នា។ ប្រព័ន្ធនេះរួមបញ្ចូលម៉ាស៊ីនសាំង ប្រអប់លេខ ម៉ូទ័រអគ្គិសនី និងប្រព័ន្ធថាមពលអេឡិចត្រូនិកចូលក្នុងកញ្ចប់តូច។ វាមានជម្រើសពីរ៖ កំណែ Performance ដែលមានម៉ូទ័រអគ្គិសនីពីរ (P1 + P3) ទទឹង 740 មម និង កំណែ Super-compact ប្រើម៉ូទ័រ P2 ទទឹង 650 មម
ទាំងពីរត្រូវបានរចនាឱ្យស៊ីគ្នានឹងម៉ាស៊ីន 1.5 លីត្រ 4 ស៊ីឡាំង និងប្រអប់លេខ Hybrid ពិសេសមួយ។ ដោយសាររៀបចំក្នុងទំហំតូច ប្រព័ន្ធនេះអាចកាត់បន្ថយផ្នែកខាងមុខរថយន្តប្រហែល 150 មម បើប្រៀបធៀបនឹងប្រព័ន្ធ Hybrid ប្រពៃណី។ វាអាចដំឡើងនៅលើ subframe រថយន្តអគ្គិសនីសុទ្ធដែលមានស្រាប់ ដោយមិនចាំបាច់កែប្រែលក្ខណៈរចនារថយន្ត ឬខ្សែផលិតជាច្រើនឡើយ។
Horse Powertrain បញ្ជាក់ថាប្រព័ន្ធនេះគាំទ្រជម្រើសច្រើន រួមមាន៖ Plug-in Hybrid (PHEV), Range-Extended EV (EREV) និង ប្រព័ន្ធបង្វិលកង់មុខ (FWD) និងប្រព័ន្ធបង្វិលកង់ទាំងអស់ (AWD) ទោះបីជារថយន្តមានទំហំតូចក៏ដោយ។ រចនាសម្ព័ន្ធថ្មីនេះរក្សាទុកផ្នែកខាងមុខរថយន្តដែលជារចនាប័ទ្ម EV ពេញលេញ ដូចជា HVAC និងប្រព័ន្ធ A/C ដែលគ្មាន PFAS អនុញ្ញាតឱ្យអ្នកផលិត reuse ផ្នែក EV ដែលមានស្រាប់ច្រើន និងកាត់បន្ថយផលប៉ះពាល់បរិស្ថាន។
សម្រាប់កំណែម៉ាស៊ីន 3 ស៊ីឡាំង កំពុងអភិវឌ្ឍន៍ ហើយអាចបន្ថយទទឹងប្រព័ន្ធបានបន្ថែម 70 មម ធ្វើឱ្យវាសមស្របសម្រាប់រថយន្តតូចជាងនេះទៅទៀត។ Horse Powertrain ត្រូវបានបង្កើតឡើងនៅពាក់កណ្ដាលឆ្នាំ 2023 មានសហគ្រាសសកលដល់ទៅ 17 រោងចក្រ មជ្ឈមណ្ឌល R&D ចំនួន 5 និងបុគ្គលិកប្រហែល 19,000 នាក់។ ប្រព័ន្ធ Hybrid ថ្មីនេះមានគោលបំណងជួយឱ្យអ្នកផលិតរថយន្តអាចបម្លែងវេទិកា EV ដែលមានស្រាប់ ឱ្យក្លាយជារថយន្ត Hybrid ឬ EREV បានយ៉ាងលឿន ដោយមិនចាំបាច់ធ្វើការរចនាឡើងវិញច្រើនចំណេញលុយ ចំណេញពេលវេលា។
