ក្រុមហ៊ុនបច្ចេកវិទ្យាយក្សចិន Baidu បាននិយាយកាលពីថ្ងៃព្រហស្បតិ៍ថា អង្គភាពផ្នែកបើកបរឆ្លាតវៃរបស់ខ្លួន គឺ Apollo គ្រោងនឹងផ្តល់សេវាកម្ម Robotaxi ដល់អ្នកប្រើប្រាស់សរុប ៣ លាននាក់នៅក្នុងប្រទេសចិន ជាមួយនឹងយានយន្តរ៉ូបូត ៣ ០០០ គ្រឿង នៅឆ្នាំ ២០២៣។
ពាណិជ្ជកម្ម
មិនតែប៉ុណ្ណោះ ក្រុមហ៊ុន Baidu ក៏បានប្រកាសផងដែរថា ខ្លួនកំពុងចាប់ដៃគូជាមួយក្រុមហ៊ុន BAIC Group សម្រាប់រថយន្តអគ្គិសនីម៉ាក ARCFOX ដើម្បីអភិវឌ្ឍ Apollo Moon ដែលជាតាក់ស៊ីអគ្គិសនីបើកបរស្វ័យប្រវត្តិ និងត្រូវបានគេកំណត់ផលិតក្នុងចំនួនច្រើន ដោយចំណាយអស់ ៤៨០ ០០០ យ័ន (៧៤ ៧០០ដុល្លារ) ក្នុងមួយគ្រឿង។
សូមបញ្ជាក់ថា ក្រុមហ៊ុនទាំងពីរខាងលើ នឹងផលិតរថយន្ត Apollo Moon ចំនួន ១ ០០០ គ្រឿងក្នុងរយៈពេល ៣ ឆ្នាំខាងមុខ។ នេះបើតាមការឲ្យដឹងពីក្រុមហ៊ុន Baidu នៅក្នុងសន្និសីទសារព័ត៌មានមួយ នៅទីក្រុងប៉េកាំងនាពេលកន្លងទៅនេះ៕