ក្រុមហ៊ុនសាជីវកម្ម Mitsubishi Corporation របស់ជប៉ុន នឹងអភិវឌ្ឍកសិដ្ឋានខ្យល់ធំជាងគេនៅអាស៊ីអាគ្នេយ៍ក្នុងប្រទេសឡាវ ដើម្បីផ្គត់ផ្គង់អគ្គិសនីដល់ប្រទេសវៀតណាម ដែលតម្រូវការត្រូវបានរំពឹងថានឹងកើនឡើងជាបន្តបន្ទាប់។
ក្រុមហ៊ុនខាងលើបានឲ្យដឹងក្នុងសេចក្តីថ្លែងការណ៍មួយថា គម្រោងនៅលើដីគោកកម្លាំង ៦០០ មេហ្គាវ៉ាត់ ដែលជាកសិដ្ឋានខ្យល់ដំបូងគេនៅក្នុងប្រទេសឡាវ នឹងស្ថិតនៅក្នុងខេត្តខាងត្បូង នៃខេត្ត Sekong និងខេត្ត Attapeu។
តាមរយៈការតំឡើងបណ្តាញបញ្ជូនអគ្គិសនីទៅប្រទេសវៀតណាម ថាមពលពីកសិដ្ឋានខ្យល់ដែលគ្រោងនឹងចាប់ផ្តើមប្រតិបត្តិការពាណិជ្ជកម្មនៅឆ្នាំ ២០២៣ នឹងត្រូវលក់ទៅឲ្យក្រុមហ៊ុនអគ្គិសនីវៀតណាម រយៈពេល ២៥ ឆ្នាំ។
គួរឲ្យដឹងដែរថា គេរំពឹងថាសេដ្ឋកិច្ចដែលកំពុងរីកចម្រើនរបស់វៀតណាមនឹងមានតម្រូវការថាមពលខ្ពស់ ជាពិសេសក្នុងរដូវប្រាំងនៅពេលដែលការផលិតថាមពលវារីអគ្គិសនីមានកម្រិត។
កសិដ្ឋានខ្យល់នៅលើគោកដែលកំពុងត្រូវបានអភិវឌ្ឍខាងលើ ជាផ្នែកនៃអនុស្សរណៈនៃការយោគយល់គ្នាស្តីពីការផ្លាស់ប្តូរថាមពល ដែលបានចុះហត្ថលេខារវាងរដ្ឋាភិបាលវៀតណាម និងឡាវ កាលពីខែតុលាឆ្នាំ ២០១៦៕