ថៃ គ្រោងបើកទ្វារជាថ្មី សម្រាប់ទេសចរអន្តរជាតិ ក្នុងពេល ១២០ថ្ងៃទៀត

ប្រទេសថៃគ្រោងនឹងបើកព្រំដែនរបស់ខ្លួនឡើងវិញ សម្រាប់ភ្ញៀវទេសចរអន្តរជាតិ ក្នុងរយៈពេល ១២០ ថ្ងៃខាងមុខ។ នេះបើយោងតាមនាយករដ្ឋមន្ត្រីថៃ លោក ប្រាយុទ្ធ ចាន់អូចា បានប្រកាសនៅក្នុងសុន្ទរកថាតាមទូរទស្សន៍មួយ នៅថ្ងៃពុធ ទី១៦ មិថុនា។

ពាណិជ្ជកម្ម

លោក ប្រាយុទ្ធ ចាន់អូចា បាននិយាយថា “ឥឡូវនេះដល់ពេលដែលយើងត្រូវសម្លឹងមើលទៅអនាគត ក្នុងការបើកប្រទេសនេះឡើងវិញ ដើម្បីស្វាគមន៍ភ្ញៀវទេសចរឲ្យត្រឡប់មកប្រទេសថៃវិញហើយ។ វាជាមធ្យោបាយចាំបាច់ដើម្បីបន្ធូរបន្ថយការលំបាក ដែលប្រជាជនជួបប្រទះ និងមិនអាចរកស៊ីចិញ្ចឹមជីវិតបានអស់ពេលជាយូរមកហើយ”។

នាយករដ្ឋមន្ត្រីថៃខាងលើបានបន្ថែមទៀតថា “ថ្ងៃនេះខ្ញុំចង់ប្រាប់អ្នកថា ខ្ញុំមានផែនការឲ្យប្រទេសថៃបើកឡើងវិញក្នុងរយៈពេល ១២០ ថ្ងៃ ចាប់ពីថ្ងៃនេះតទៅ”។

គួរឲ្យដឹងថា គោលដៅដែលបានកំណត់ដោយនាយករដ្ឋមន្រ្តីថៃ នឹងធ្វើឲ្យប្រទេសនេះបើកដំណើរការឡើងវិញនៅពាក់កណ្តាលខែតុលា៕