ស្របពេលដែលប្រទេសជាច្រើននៅទូទាំងពិភពលោកទាំងមូលកំពុងមានភាពរីកចម្រើនខ្លាំងនៅក្នុងវិស័យទេសចរណ៍ ក្នុងនោះ សហរដ្ឋអាមេរិកវិញ គឺត្រូវបានគេរាយការណ៍បាន និងកំពុងជួបប្រទះទៅនឹងវិបត្តិដ៏ធ្ងន់ធ្ងរចំពោះការទាក់ទាញភ្ញៀវទេសចរបរទេស។
បើយោងតាមការរាយការណ៍នាពេលថ្មីៗនេះបានឲដឹងថា ក្នុងឆ្នាំ២០២៥ នេះ សហរដ្ឋអាមេរិក គឺអាចនឹងខាតបង់សេដ្ឋកិច្ចដល់ទៅ ២៩ ពាន់លានដុល្លារ និងបាត់បង់ការងាររាប់លានកន្លែងឯណ្ណោះ ដែលសារតែចំនួនអ្នកធ្វើដំណើររបរទេសជាច្រើនគឺបានប្រកាសលុបចោលការធ្វើដំណើរទៅកាន់ប្រទេសមួយនេះ។
ចំពោះមូលហេតុសំខាន់ដែលបណ្តាលឲ្យភ្ញៀវបរទេសបាត់បង់ចំណាប់អារម្មណ៍ទៅលើសហរដ្ឋអាមេរិក គឺកើតចេញពីគោលនយោបាយរបស់រដ្ឋាភិបាលលោក Donald Trump ដែលបានរឹតបន្តឹងក្នុងការធ្វើដំណើរទៅប្រទេសខ្លួន ក៏ដូចជាការបង្កើតពន្ធនាំចូលខ្ពស់ ការហាមឃាត់ក្នុងការធ្វើដំណើរទេសចរណ៍ និងបរិយាកាសនយោបាយផ្សេងៗជាដើម។
ជាឲឧទាហរណ៍ដូចជាចំនួនភ្ញៀវទេសចរណ៍កាណាដាដែលជាចំនួនភ្ញៀវទេសចរណ៍ដ៏ធំបំផុតរបស់អាមេរិក គឺបានធ្លាក់ចុះយ៉ាងគំហុកជាបន្តបន្ទាប់ ដោយមានការធ្លាក់ចុះដ៏ទៅ ៣៨% តាមផ្លូវគោក និង ២៤% តាមផ្លូវអាកាស, នេះបើយោងតាមទិន្នន័យក្នុងខែឧសភា ឆ្នាំ ២០២៥ បើប្រៀបធៀបនឹងឆ្នាំមុន៕