ក្រុមហ៊ុន Leapmotor បានប្រកាសចេញម៉ូដែលថ្មី Leapmotor C11 ជាផ្លូវការនៅទីផ្សារចិន។ រថយន្ត SUV ប្រភេទកណ្តាលនេះមានផ្តល់ជម្រើស 2 ប្រភេទ៖ BEV (អគ្គិសនីសុទ្ធ) និង EREV (អគ្គិសនី + ម៉ាស៊ីនសាំងជួយបញ្ចេញថាមពល)។
សម្រាប់តម្លៃ BEV: 20,870 – 23,090 ដុល្លារ, សាកមួយពេញប្រើបាន 640 គម ហើយប្រភេទ EREV តម្លៃ 20,870 – 22,260 ដុល្លារ, អគ្គិសនីសុទ្ធ 300 គម, សរុបជាមួយម៉ាស៊ីនសាំងបានចម្ងាយ 1,220 គម។
Leapmotor C11 មានប្រព័ន្ធជំនួយបើកបរជំនាន់ថ្មី lidar កម្រិតខ្ពស់ 128-line ដាក់លើដំបូល (រង្វង់ស្វែងរក 300 ម៉ែត្រ, មុំមើល 140°) ប្រើ chip Qualcomm Snapdragon 8650 ក្នុងការគ្រប់គ្រង Driving Assistance គាំទ្រ 27 មុខងារ Navigation AutoPilot នៅលើផ្លូវធំ និងក្នុងទីក្រុង និងមានជំនួយចតរថយន្តអូតូ។
អំពីម៉ាស៊ីន EREV ប្រើប្រាស់ម៉ាស៊ីនសាំង 1.5L កម្លាំង 70kW (94 hp) និងម៉ូទ័រអគ្គិសនីក្រោយ 200kW (268 hp) កម្លាំងរមួល 320Nm ប្រើថ្ម LFP ទំហំ 41.7kWh វាមានល្បឿនអតិបរមា 170km/h សន្ទុះពី 0–100 km/h ក្នុង 7.6 វិនាទី។
ប្រភេទ BEV ប្រើម៉ូទ័រអគ្គិសនីក្រោយ 220kW (295 hp) កម្លាំងរមួល 360Nm ល្បឿនអតិបរមា 190km/h សន្ទុះពី 0–100 km/h ក្នុង 6.1 វិនាទី។ ទាំងពីរម៉ូដែលមានថ្មមានសាកលឿន 800V ដែលអាចសាក 30% ទៅ 80% ក្នុងរយៈពេល 18 នាទី
សម្រាប់ម៉ូដែល BEV ថ្មបានកែពី 78.5kWh ទៅ 81.9kWh, ចម្ងាយបើកបរបានកើនពី 580km ទៅ 640km។
ខាងក្នុងកាប៊ីនមានចង្កូតថ្មី 2 ពណ៌ ប្រភេទ spokes-flat-bottom ហើយបានលុបចោលម៉ូនីទ័រ 3 គ្រឿងបែបមុនមិនមានដូចសេរីមុនទេវាផ្លាស់ប្ដូរទៅ panel 10.25-inch និងអេក្រង់ 17.3-inch 2K, ប្រើ chip Snapdragon SA8295P ជានួយប្រព័ន្ធប្រតិបត្តិការ Leapmotor OS 4.0 Plus ហើយក៏ភ្ជាប់មកជាមួយ DeepSeek AI ដែលគាំទ្រជំនួយសំលេង AI មិនថែមតែប៉ុណ្ណោះក៏មានលក្ខណៈពិសេសបន្ថែមដោយម៉ូដែលខ្ពស់មាន AR-HUD ជំនាន់ទី 3 ទំហំ 60 អ៊ីញ, បញ្ចាំង Navigation និងប្រព័ន្ធជំនួយចំណាំ មាន 26 ទីតាំងទុកអីវ៉ាន់ ក្នុងឡាន ដំបូលកញ្ចក់ (panoramic sunroof) ទំហំ 1.49 ម៉ែត្រការ៉េ។
រថយន្ត Leapmotor C11 ថ្មីនេះ គឺជាជម្រើសសមរម្យសម្រាប់អ្នកដែលចង់បានរថយន្ត SUV សម័យថ្មី បច្ចេកវិទ្យាទំនើប បញ្ចេញថាមពលស្ទើរតែគ្មានកាកសំណល់ និងមានតម្លៃសមរម្យ។
