បើនិយាយពីរឿងចំណេញ គឺចំណេញលើគោកតែម្តង ដោយការធ្វើដំណើរនេះ បានទាក់ទាញការចាប់អារម្មណ៍យ៉ាងខ្លាំងពីអ្នកគាំទ្រជាច្រើននៅទូទាំងពិភពលោករបស់គាត់។ ខណៈដំណើរនេះ មិនត្រឹមតែជាការធ្វើទស្សនៈកិច្ចផ្ទាល់ខ្លួនទេ ប៉ុន្តែថែមទាំងនាំអត្ថប្រយោជន៍ជាច្រើនដល់ប្រទេសចិនទៀតផង ស្របពេលដែលសង្គ្រាមបច្ចេកវិទ្យា និងសេដ្ឋកិច្ចរបស់ប្រទេសចិន និងសហរដ្ឋអាមេរិកកំពុងតែកើនឡើងចង់ផ្ទុះ។
ក្នុងនោះ ក្នុងដំណើររបស់ IShowSpeed ទៅកាន់ប្រទេសចិន គឺត្រូវបានស្វាគមន៍យ៉ាងផ្លូវការដោយរដ្ឋាភិបាលរបស់ប្រទេសចិន និងទទួលបានការផ្សព្វផ្សាយយ៉ាងពេញមុខពេញមាត់ពីសំណាក់សារព័ត៌មានរដ្ឋ CCTV13 ។
សម្រាប់ដំណើរនេះ, IShowSpeed បានជួយបង្ហាញដល់ពិភពលោកពីវប្បធម៌ ជីវិតប្រចាំថ្ងៃ និងការអភិវឌ្ឍន៍បច្ចេកវិទ្យារបស់ប្រទេសចិន ដោយបានបង្ហាញនូវបច្ចេកវិទ្យាជាច្រើនរបស់ចិនដូចជា ឡានហោះ ឡានជិះក្នុងទឹក ឡានរាំ មនុស្សយន្ត រថភ្លើងលើអាកាស អគារខ្ពស់បំផុតនៅក្នុងប្រទេសចិន និងស្មាតហ្វូនបត់ ៣ តង់ដំបូងបំផុតរបស់ពិភពលោក។
ជាមួយគ្នានេះ ការចូលមកប្រទេសចិនរបស់ IShowSpeed ក៏បានជួយបំបែកការយល់ឃើញលើភាពអវិជ្ជមានខ្លះៗដែលមានចំពោះប្រទេសនេះផងដែរ ពោលគឺគាត់បានបង្ហាញថា ប្រជាជនចិនគឺអត្តចរឹកសុភាពរាបសារ មានភាពរុះរាយ និងមានសុវត្ថិភាពក្នុងការធ្វើដំណើរ និងជំរុញឲ្យអ្នកទស្សនាគាត់ជាច្រើនលាននាក់ចង់ធ្វើដំណើរទៅប្រទេសចិនដូចគាត់ផងដែរ។
ក្រៅពីនេះ ការធ្វើដំណើររបស់ IShowSpeed ក៏ជួយជំរុញវិស័យទេសចរណ៍ផងដែរ ដោយសារតែគាត់មានអ្នកតាមដានច្រើនដល់ទៅ ៣៨ ជាងលាននាក់ ឯណ្ណោះ នៅលើ YouTube ក៏ដូចជាការ Stream របស់គាត់។
ជាសរុប, Admin អាចនិយាយបានថា ក្នុងដំណើររបស់ IShowSpeed ទៅកាន់ប្រទេសចិន គឺចិនចំណេញលើគោលតែម្តង ខណៈអាមេរិកវិញកំពុងតែផ្តល់នូវដំណោះស្រាយជូនប្រទេសជាច្រើននៅទូទាំងពិភពលោក បន្ទាប់ពីការប្រកាសដាក់ពន្ធថ្មីលើការនាំចូល៕