កម្មវិធី AI ដែលមានដើមកំណើតពីប្រទេសចិន និងកំពុងទទួលបានប្រជាប្រិយភាពយ៉ាងឆាប់រហ័សនៅលើបណ្តាញអន្តរជាតិគឺ DeepSeek ដែលត្រូវបានក្រុមហ៊ុនធំៗជាច្រើនដូចជា Huawei, Honor, Microsoft និងសូម្បីតែក្រុមហ៊ុនផលិតរថយន្តមួយចំនួនក៏យកទៅប្រើប្រាស់ក្នុងផលិតផល និងសេវាកម្មរបស់ពួកគេផងដែរ ត្រូវបានព្យាករណ៍ថា អាចនឹងត្រូវបិទក្នុងសហរដ្ឋអាមេរិកក្នុងពេលឆាប់ៗនេះដោយសារគោលនយោបាយបរទេស។ ជាឧទាហរណ៍ ដូចជា TikTok ដែលជាកម្មវិធីមួយដ៏ល្បីល្បាញរបស់ ByteDance ក៏កំពុងជួបបញ្ហានេះផងដែរ នេះបើយោងតាមនាយកប្រតិបត្តិក្រុមហ៊ុន Arm លោក Rene Haas ។
ខណៈអាមេរិកផ្ទាល់់កំពុងពិចារណាលើការហាមឃាត់ DeepSeek ដោយសារបញ្ហាសុវត្ថិភាពទិន្នន័យ និងការគ្រប់គ្រងព័ត៌មានដែលអាចជាប់ពាក់ព័ន្ធនឹងរដ្ឋាភិបាលចិន។ ជាក់ស្តែង រដ្ឋ New York បានប្រកាសហាមឃាត់ការប្រើប្រាស់កម្មវិធីនេះនៅលើឧបករណ៍រដ្ឋាភិបាល។ នៅអូស្ត្រាលី, សាកលវិទ្យាល័យជាន់ខ្ពស់ Group of Eight (Go8) ក៏បានហាមឃាត់ DeepSeek ដោយសារបារម្ភអំពីសុវត្ថិភាពព័ត៌មានផងដែរ។
បើទោះបីជា DeepSeek មានការរិះគន់ខ្លាំងក៏ដោយ វានៅតែទទួលការចាប់អារម្មណ៍ខ្លាំងនៅសហរដ្ឋអាមេរិក និងអាចទាញយកបានទាំងតាមរយៈ Apple App Store និង Google Play Store ៕