យោងតាមការរាយការណ៍កាលពីពេលថ្មីៗនេះបាននិយាយថា ប្រទេសចិនបានដាក់បង្ហាញចេញនូវវិធានការជាច្រើនទៅលើអាជីវកម្មរបស់សហរដ្ឋអាមេរិក។ ដោយនេះអាចជាការសងសឹកបន្ទាប់ពីសហរដ្ឋអាមេរិកបានអនុវត្តពន្ធថ្មីៗរបស់លើទំនិញចិន។
ក្នុងនោះ ប្រទេសចិនបានចាប់ផ្តើមស៊ើបអង្កេតលើក្រុមហ៊ុន Google ដោយអះអាងថាក្រុមហ៊ុនមួយនេះបានរំលោភច្បាប់ប្រឆាំងនឹងប្រទេសរបស់ខ្លួន ខណៈព័ត៌មានលម្អិតមិនត្រូវបានបង្ហាញឡើយនៅទេ។
បន្ថែមពីនេះ ក្រសួងពាណិជ្ជកម្មរបស់ប្រទេសចិនក៏បានបញ្ចូលឈ្មោះក្រុមហ៊ុន PVH Corp និង Illumina ទៅក្នុងបញ្ជី “អង្គភាពដែលមិនអាចជឿទុកចិត្តបាន” ឬ “unreliable entity” ផងដែរ ដោយចោទប្រកាន់ពីសកម្មភាពដែលបង្កគ្រោះថ្នាក់ដល់ក្រុមហ៊ុនចិន។ ជាមួយគ្នានេះក្រុមហ៊ុនទាំង ២ នេះអាចប្រឈមមុខនឹងទណ្ឌកម្មជាច្រើនដូចជា ការបង្កកពាណិជ្ជកម្ម និងការរឹតបន្តឹងលើបុគ្គលិកបរទេសជាដើម។
គួរឲដឹងថា ប្រទេសចិនបានសម្រេចដាក់ពន្ធ 10% លើឧបករណ៍កសិកម្មរបស់សហរដ្ឋអាមេរិក ដែលនេះអាចបង្ហជាប៉ះពាល់ដល់ក្រុមហ៊ុនធំៗជាច្រើនរបស់សហរដ្ឋអាមេរិកដូចជា ក្រុមហ៊ុន Caterpillar និង Deere & Co ខណៈវិធានការទាំងនេះបង្ហាញពីការកើនឡើងនៃភាពតានតឹងពាណិជ្ជកម្មរវាងប្រទេសចិន និងសហរដ្ឋអាមេរិក។ ខណៈសហរដ្ឋអាមេរិកវិញ ក៏បានចាត់វិធានការហាមឃាត់ការនាំចូលនូវផលិតផល និងបច្ចេកវិទ្យារបស់ប្រទេសចិនផងដែរ៕