ក្រសួងពាណិជ្ជកម្មអង់គ្លេស បាននិយាយនៅថ្ងៃអាទិត្យថា ប្រទេសអង់គ្លេស និងតួកគី គ្រោងនឹងចុះកិច្ចព្រមព្រៀងពាណិជ្ជកម្មសេរីមួយ នៅថ្ងៃអង្គារ ទី២៧ ខែធ្នូ ឆ្នាំ២០២០ នេះ ដែលវាជាលើកដំបូងចាប់តាំងពីនាយករដ្ឋមន្ត្រី Boris Johnson ទទួលបានកិច្ចព្រមព្រៀងពាណិជ្ជកម្មថ្មី ជាមួយសហភាពអឺរ៉ុប។
ប្រទេសទាំងពីរនឹងចុះហត្ថលេខាលើកិច្ចព្រមព្រៀងមួយ ដោយចម្លងលក្ខខណ្ឌពាណិជ្ជកម្មដែលមានស្រាប់ រវាងទីក្រុង Ankara និង London ប៉ុន្តែរដ្ឋមន្រ្តីពាណិជ្ជកម្មអង់គ្លេស លោកស្រី Liz Truss បាននិយាយថា លោកស្រីសង្ឃឹមថាកិច្ចព្រមព្រៀងរវាងប្រទេសទាំងពីរអាចនឹងត្រូវបានធ្វើឡើងឆាប់ៗនេះ។
លោកស្រី Truss បាននិយាយនៅក្នុងសេចក្តីថ្លែងការណ៍មួយថា “កិច្ចព្រមព្រៀងដែលយើងរំពឹងថានឹងចុះហត្ថលេខានៅសប្តាហ៍នេះ នៅក្នុងការរៀបចំការធ្វើពាណិជ្ជកម្មដោយមិនគិតពន្ធ ហើយនឹងជួយគាំទ្រដល់ទំនាក់ទំនងពាណិជ្ជកម្មរបស់យើង។ វានឹងផ្តល់នូវភាពប្រាកដប្រជាដល់ការងាររាប់ពាន់ នៅទូទាំងចក្រភពអង់គ្លេស នៅក្នុងឧស្សាហកម្មផលិតកម្ម រថយន្ត និងដែកថែប”។
“ឥឡូវនេះយើងទន្ទឹងរង់ចាំធ្វើការជាមួយប្រទេសទួរគី ឆ្ពោះទៅរកកិច្ចព្រមព្រៀងពាណិជ្ជកម្មអង់គ្លេស-តួកគី ដែលមានមហិច្ឆតាធំនាពេលអនាគតដ៏ខ្លីខាងមុខនេះ”។ លោកស្រី Truss បានបន្ថែមយ៉ាងដូច្នេះ។
គួរឲ្យដឹងថា ឥឡូវនេះចក្រភពអង់គ្លេសបានចុះហត្ថលេខាលើកិច្ចព្រមព្រៀងពាណិជ្ជកម្មជាមួយប្រទេសចំនួន ៦២ នៅមុនចុងបញ្ចប់នៃ Brexit នៅថ្ងៃទី ១ ខែមករា នៅពេលដែលខ្លួនចាកចេញពីការរៀបចំពាណិជ្ជកម្មរបស់សហភាពអឺរ៉ុប៕