ការចាយលុយនៅពិធីបុណ្យចូលឆ្នាំថ្មី ក្នុងប្រទេសថៃ ត្រូវគេរំពឹងថាទាបបំផុតក្នុងពេល ១០ឆ្នាំ

ការចំណាយក្នុងឱកាសវិស្សមកាលឆ្នាំថ្មីក្នុងប្រទេសថៃ ត្រូវបានគេរំពឹងថា នឹងស្ថិតនៅក្រោម ១០០ ពាន់លានបាតជាលើកដំបូងក្នុងរយៈពេល ១០ ឆ្នាំ ដោយសារការកើតឡើងថ្មីៗនៃការឆ្លងជំងឺកូវីដ១៩។

ពាណិជ្ជកម្ម

យោងតាមការស្ទង់មតិចុងក្រោយរបស់សាកលវិទ្យាល័យសភាពាណិជ្ជកម្មថៃ (UTCC) បានឲ្យដឹងថា ការចំណាយក្នុងរដូវបុណ្យចូលឆ្នាំថ្មី ត្រូវបានប៉ាន់ប្រមាណថាមានចំនួន ៩១,៥ ពាន់លានបាត ដែលជាការធ្លាក់ចុះគួរឲ្យកត់សម្គាល់ ពៅលគឺ ៣៣,៦ ភាគរយ ពី ១៣៨ ពាន់លានបាត កាលពីឆ្នាំមុន។

លោក Thanavath Phonvichai ​ប្រធាន UTCC បានមានប្រសាសន៍ថា ការចំណាយជាមធ្យម គឺ ៩ ៨៧៦ បាតក្នុងមនុស្សម្នាក់ ពោលគឺធ្លាក់ចុះពី ១៥ ៦១៥ បាតក្នុងម្នាក់ កាលពីឆ្នាំមុន។

លោកបានបន្ថែមថា “ក្នុងឆ្នាំ ២០២១ ប្រជាជនចង់ឲ្យរដ្ឋាភិបាលទប់ស្កាត់ការរីករាលដាលនៃជំងឺកូវីដ១៩, ធានាស្ថិរភាពនយោបាយ និងថែរក្សាតម្លៃរស់នៅដើម។ រដ្ឋាភិបាលមិនគួរអនុវត្តវិធានការចាក់សោរជាតិដ៏តឹងរឹង ដើម្បីទប់ស្កាត់ផលប៉ះពាល់ដល់សេដ្ឋកិច្ចទាំងមូលឡើយ”៕