ការនាំចេញបង្គាត្រូវបានគេកំណត់ថានឹងកើនឡើង ១២,៤ ភាគរយនៅឆ្នាំនេះ ដល់ ៣,៧៨ ពាន់លានដុល្លារ បើទោះបីជាមានផលប៉ះពាល់ដ៏ខ្លាំងពីជំងឺកូវីដ១៩ ទៅលើឧស្សាហកម្មអាហារសមុទ្រក៏ដោយ។
ការនាំចេញទៅកាន់ទីផ្សារភាគច្រើនមានស្ថេរភាពក្នុងរយៈពេល ១១ ខែដំបូង ក្នុងនោះមានសហរដ្ឋអាមេរិក សហភាពអឺរ៉ុប ចិន អង់គ្លេស កាណាដា និងអូស្ត្រាលី។ នេះបើយោងតាម សមាគមវៀតណាម VASEP។
គួរឲ្យដឹងថា សហរដ្ឋអាមេរិក នៅតែជាអ្នកទិញធំជាងគេ ដោយការទិញរបស់វាស្មើនឹង ៨០៦,៦ លានដុល្លារ ដែលតំណាងឲ្យការកើនឡើង ៣៤ ភាគរយ។ បន្ទាប់មកទៀតគឺ ជប៉ុន ចិន និង អឺរ៉ុប ជាមួយការនាំចេញលោតឡើងខ្លាំងក្នុងត្រីមាសទី ៣ ដោយសារកិច្ចព្រមព្រៀងពាណិជ្ជកម្មសេរី រវាងសហភាពអឺរ៉ុប និងវៀតណាម (EU-Vietnam Free Trade Agreement)។
បង្គា គឺជាអ្នកចូលរួមចំណែកយ៉ាងសំខាន់ក្នុងការស្តារការនាំចេញអាហារសមុទ្រ។ ការនាំចេញរបស់ប្រទេសនេះបានកើនឡើង ១១,៣ ភាគរយ ដល់ ៣,៤ ពាន់លានដុល្លារក្នុងរយៈពេលខាងលើ ខណៈពេលដែលតម្រូវការត្រី pangasius fish បានធ្លាក់ចុះ ២៤ ភាគរយ និងត្រីធូណា (tuna) ៩,៥ ភាគរយ៕