គណនីលើអ៊ីនធឺណិតរបស់ម្នាក់ៗគឺសំខាន់ណាស់ បណ្ដុំទៅដោយប្រភពព័ត៌មានជាច្រើន ម៉្លោះហើយ ការការពារជាមុនជារឿងចាំបាច់ ជៀសវាងកើតឡើងហើយអង្គុយស្ដាយក្រោយ។ ដូចនេះយើងសូមណែនាំ ៧ ចំណុច បើអនុវត្តបានលែងខ្វល់រឿង Hacker បៀតបៀនលើគណនីរបស់អ្នកហើយ។
១. សង្កេតឱ្យច្បាស់អាចជាអន្ទាក់
មានករណីធ្លាប់កើតមាន ត្បិតអ្នកវាយប្រហារលើអ៊ីនធឺណិត បន្លំឱ្យអ្នកទុកចិត្ត ឬខលមកអ្នកដើម្បីជីកសួរឱ្យបានលេខកូដគណនី ឬលេខសម្ងាត់ PIN Code។ ព្រោះបុគ្គលិកក្រុមហ៊ុន ឬក្រុមហ៊ុន Facebook ឬធនាគារ បុគ្គលិករបស់ពួកគេមិនមានសិទ្ធិដឹងឮពីគណនីអ្នកឡើយ។
២. កុំចុចលើតំណលីងមិនស្គាល់ នៅលើអ៊ីនធឺណិត ឬនៅក្នុងអ៊ីមែលដែលអ្នកបានទទួល ព្រោះវាអាចជាប្រភពអន្ទាក់ផ្សេងៗដែល Hacker រៀបចំទាក់អ្នកបាន។
៣. កុំតម្លើងកម្មវិធីមិនស្គាល់ប្រភព ត្បិតវាអាចគ្រោះថ្នាក់ក្នុងប្រការផ្សេងៗ បើកម្មវិធីនោះខុសច្បាប់ មិនមានការអនុញ្ញាតត្រឹមត្រូវពី App Store ឬ Play Store។
៤. បើជៀសបាន គួរកុំប្រើ Wi-Fi តាមទីសាធារណៈ ព្រោះភ្នែករបស់អ្នកអាចមើលមិនដឹងឡើយ ក្នុង Local LAN ឬក្នុងតំបន់ Wi-Fi ដែលអ្នកប្រើមានមនុស្សមិនល្អ ឬ Hacker នោះឡើយ។
៥. ប្រើលេខសម្ងាត់ឱ្យពិបាកស្មានដឹង ឬប្រើសោសម្ងាត់ពីរជាន់ Two-Factor Authentication
៦. បើមានលទ្ធភាព គួរប្រើកម្មវិធីចាប់មេរោគ លើស្មាតហ្វូន ឬលើកុំព្យូទ័រ
៧. អាប់ឌែតប្រព័ន្ធប្រតិបត្តិការ OS ឬកម្មវិធី (App) ឱ្យដល់ជំនាន់ចុងក្រោយជាប្រចាំ។ ត្បិតកំណែអាប់ឌែតចុងក្រោយ មានអត្រាទប់ស្កាត់ការយាយីពី Hacker ឬមេរោគថ្មីៗផងដែរ៕