Apple គ្រោងនឹងអនុវត្តប្រព័ន្ធថ្មីមានភាពច្នៃប្រឌិត អាចអនុញ្ញាតឱ្យបុគ្គលិកនៅហាងលក់រាយអាចអាប់ឌែត iPhone បាន ដោយមិនប្រើខ្សែ តាម Wireless និងដោយមិនបើកប្រអប់ទៀតផង។ ដោយប្រព័ន្ធនេះនឹងបើកទូរសព្ទ បន្ទាប់មកអាប់ឌែត បន្ទាប់មកបិទទូរសព្ទវិញ។ នេះបើយោងទៅតាមលោក Mark Gurman អ្នកនាំពាក្យរបស់សារព័ត៌មាន Bloomberg។
ប្រព័ន្ធថ្មីនេះគឺដើម្បីដោះស្រាយ iPhone ម៉ូឌែលថ្មីដែលមិនទាន់អាប់ឌែតដល់កំណែ iOS ចុងក្រោយ ហើយម្យ៉ាង Apple មិនចង់ឱ្យអតិថិជនអាប់ឌែតដោយខ្លួនឯង ពោលគឺទិញទូរសព្ទហើយ អាប់ឌែត iOS ថ្មី ដែលដោះស្រាយបញ្ហាចាស់ៗស្រេចតែម្ដង។ ឧទាហរណ៍ ដូចជា បើអ្នកទិញ iPhone 15 វានឹងដើរដោយ iOS 17 ចេញពីប្រអប់ស្រាប់ ខណៈ iOS ថ្មីនេះអាប់ឌែតដល់ 17.0.2 ទៅហើយ ដែលដោះស្រាយបញ្ហាកម្ដៅ និងទប់ស្កាត់ពីការផ្ទេរទិន្នន័យពី iPhone ដទៃទៀត អំឡុងពេល តម្លើង ឬ setup ផងដែរ។
មុខងារអាប់ឌែត iPhone ដោយមិនបាច់បើកប្រអប់ និងមិនប្រើខ្សែថ្មីនេះ Apple នឹងដាក់ឱ្យប្រើប្រាស់ដល់បណ្ដាហាងលក់រាយ នៅមុនដំណាច់ឆ្នាំនេះ៕