ស្របពេលការប្រកាសចេញ Pixel 8 / 8 Pro ក្រុមហ៊ុន Google ក៏បានបញ្ចេញ Android 14 ជាជំនាន់សាធារណៈ ដោយអាចអាប់ឌែតបានចំពោះស្មាតហ្វូន Pixel ចាប់ពីម៉ូឌែល Pixel 4a 5G ឡើងទៅ។ រីឯម៉ូឌែល Android ដទៃដូចជា Samsung, iQOO, Nothing, OnePlus, Oppo, Realme, Sharp, Sony, Tecno, vivo និង Xiaomi ត្រូវបានគេរំពឹងថា នឹងអាចអាប់ឌែតទៅកាន់ Android 14 បាននៅក្នុងប៉ុន្មានខែខាងមុខនេះ។
Android 14 មានមុខងារពិសេសៗដូចជា AI wallpapers អាចឱ្យយើង Generate រូបតាំងអេក្រង់តាមឃ្លាបញ្ជារបាន (ចំពោះ Pixel 8 / 8 Pro)។ Google ក៏បានបន្ថែមការគាំទ្រ HDR images ជួយឱ្យការបង្ហាញរូបកាន់តែប្រសើរ ក៏មានដែរ Monochromes themes, ការ customize ឬច្នៃប្រឌិតផ្សេងទៅលើផ្ទាំង lock screen ដូចជាដូរម៉ូតនាឡិកា ថែមថយ shortcuts ជាដើម។
វាក៏មានមុខងារ ស្រដៀងនឹង iPhone គឺប្រើទូរសព្ទធ្វើជា webcam បាន។ ក្រៅពីនេះក៏មានការអាប់ឌែតបន្ថែមទៅលើ Data sharing, Health សម្រាប់តាមដានសុខភាពលើទូរសព្ទបាន និងអាប់ឌែតបន្ថែមទៅលើ របាបញ្ជារ Control Panel ផងដែរ៕