វត្តមាន Pixel 8 និង 8 Pro ឆ្នាំនេះគឺបន្ទះឈីបផលិតដោយខ្លួនផ្ទាល់ Tensor G3 មាន 9-core processor ដោយក្នុងនោះបែងចែកជា៣ មាន 1 Cortex-X3, 4 Cortex-A715 cores និង 4 Cortex-A510។ ឈីបនេះដែរក៏មានបន្ថែមឈីប Titan M2 security អាចឱ្យវាដំណើរការ Google AI ជាមួយមុខងារបកប្រែកផ្ទាល់ៗ និងមុខងារដទៃទៀត។
Pixel 8 បំពាក់ RAM 8GB និង Pixel 8 Pro បំពាក់ RAM ដល់ទៅ 12 GB។ ទាំងពីរមានស្ដង់ដារការពារទឹកនិងធូលី IP68 មុខងារស្គេនម្រាមដៃ និងស្គេនមុខផងដែរ។
Pixel 8 Pro ប្រើអេក្រង់ 6.7-inch ប្រភេទ OLED 120Hz មាន resolution 1344x2992px ប្រើបច្ចេកវិទ្យា LTPO និងមានកម្រិតពន្លឺ 2400 រីឯម៉ូឌេល Pixel 8 មានអេក្រង់ 6.2-inch មានកម្រិតបង្ហាញ FHD+ 120Hz និងកម្រិតពន្លឺ 2000 nits។
ម៉ូឌែល Pro នេះមាន៣ជម្រើសពណ៌ គឺខៀវ ត្នោតខ្ចី និងខ្មៅ រីឯម៉ូឌែលធម្មតាគឺមាន ពណ៌ខ្មៅផ្កាឈូក និងពណ៌ Hazel គឺស្រដៀងទៅនឹងពណ៌ទីតានីញ៉ូមផងដែរ។ ម៉ូឌែល Pro មានកាមេរ៉ា៣គ្រាប់ លែនគោល 50MP, លែន ultrawide 48MP និង 48MP មានកម្រិតពង្រីក 5x និង 30X digital zoom។ កាមេរ៉ាមុខ 10.5MP។ រីឯម៉ូឌែលធម្មតា ប្រើលែន ultrawide របស់ម៉ូឌេល Pro គឺ 12MP មានមុខងារ autofocus និងអាចថតមុខងារ Macro បាន និងលែនគោលមួយគ្រាប់ទៀត 50MP រួមទាំងលែនកាមេរ៉ាមុខ 10.5MP។
ចំពោះថាមពលថ្ម Pixel 8 Pro 5050mAh សាកតាមខ្សែកម្លាំង 30W និង wireless 23W និង Pixel 8 4575mAh សាកតាមខ្សែ 27W និងតាម wireless 18W។
Google Pixel 8 128GB មានតម្លៃចាប់ពី $700 Google Pixel 8 Pro 128GB មានតម្លៃចាប់ពី $1000 ឡើងទៅ និងទទួលបានប្រព័ន្ធប្រតិបត្តិការថ្មី Android 14 ថ្មីស្រឡាង និងមុនគេចេញពីប្រអប់ផងដែរ៕