ថ្មីៗនេះអ្នកប្រើប្រាស់ និងនៅលើវេទិកាបច្ចេកវិទ្យាជាច្រើន ដែលប្រើប្រាស់ស្មាតហ្វូនស៊េរីថ្មី iPhone 15 Pro និង 15 Pro បានរាយការណ៍ថា ស្មាតហ្វូនរបស់ពួកគេចាប់ផ្ដើមឡើងកម្ដៅ បើទោះបីជាមិនបើកប្រើកម្មវិធីធំៗដូចជាលេងហ្គេមក៏ដោយ ប៉ុន្ដែគ្រាន់តែប្រើកម្មវិធីបណ្ដាញសង្គម ដូចជា Instagram ក៏ស្មាតហ្វូនពួកគេឡើងកម្ដៅប្លែកផងដែរ។
យ៉ាងណា ចំពោះបញ្ហានេះ Apple បានចេញសេចក្ដីប្រកាសដែរថា ពួកគេនឹងបញ្ចេញកំណែអាប់ឌែតលើ iOS 17 ដើម្បីដោះស្រាយ ត្បិតបញ្ហាកំដៅនេះ គឺបណ្ដាលមកពីកំហុសបច្ចេកទេសប្រព័ន្ធប្រតិបតិ្តការ iOS 17 ថ្មី។
ដោយឡែកមានមតិផ្សេងទៀតជាច្រើន បានលើកឡើងផងដែរថា ពួកគេមិនបានប្រើប្រាស់ iPhone 15 Pro ឬ 15 Pro Max ឡើយ ប៉ុន្ដែក៏មានបញ្ហាឡើងក្ដៅខុសប្លែកបន្ដិចផងដែរ បន្ទាប់ពីឡើងទៅកាន់ ប្រព័ន្ធប្រតិបត្តិការថ្មី iOS 17។
ដូចនេះចំពោះដំណោះស្រាយ អ្នកប្រើមានតែត្រូវរង់ចាំបន្តិចទៀត ទម្រាំ Apple បញ្ចេញកំណែអាប់ឌែតថ្មី iOS 17 ប៉ុន្ដែជំនាន់ណានោះ Apple ក៏មិនបានបញ្ជាក់ផងដែរ៕