iCloud ជាផលិតផលរបស់ Apple ដែលជាសេវាកម្មផ្ទុករាល់ឯកសារនានា មិនថារូបថត វីដេអូ បញ្ជីលេខទូរសព្ទ និងរាល់ឯកសារ ក៏ដូចជាទិន្នន័យដទៃទៀត។ ហេតុអ្វីចាំបាច់គួរទិញសេវាកម្ម iCloud? មូលហេតុព្រោះ សេវាកម្មវិធីផ្ដល់ឱ្យឥតគិតថ្លៃ តែ 5GB ប៉ុណ្ណោះ។
ដូចនេះ បើអ្នកសម្បូរឯកសារច្រើន មិនសូវមានពេល Backup ទៅកាន់កុំព្យូទ័រ ឬកូពីឯកសារទៅទុកកន្លែងផ្សេង អ្នកអាចចំណាយលុយបន្ដិចបន្ដួច ឱ្យ iCloud ធ្វើរាល់កិច្ចការជំនួសបាន ដោយតម្លៃចាប់ពី ០,៩៩ដុល្លារ សម្រាប់ទំហំផ្ទុកក្លោត 50GB។
របៀបទិញ កញ្ចប់សេវាកម្ម iCloud៖
– ចូលទៅកាន់កម្មវិធី Settings > Apple ID (ជារូបគណនីនៅខាងលើគេបង្អស់)
– ជ្រើសយក iCloud > Manage Storage > Change Storage Plan
– ត្រង់នេះអ្នកអាចរើសទំហំផ្ទុក iCloud ទៅតាមតម្រូវការ ដោយតម្លៃក្នុង១ខែចាប់ពី ១ដុល្លារ ដល់ ៩,៩៩ដុល្លារ ទទួលបានទំហំផ្ទុកពី 50GB ទៅ 2TB
– បន្ទាប់មកចុច Buy និងធ្វើតាមការណែនាំជាការស្រេច
គួរបញ្ជាក់ផងដែរថា ដើម្បីទិញសេវាកម្មនេះបាន អ្នកចាំបាច់បំពេញព័ត៌មានទៅកាន់ Payment & Shipping សម្រាប់ទូទាត់លុយ ដោយតម្រូវឱ្យមានកាតអេឡិចត្រូនិច (Visa/Master Card)៕