អ្នកប្រើប្រាស់រថយន្តមួយចំនួនតូចប្រហែលជាធ្លាប់ជាប់ប្រទះ ករណីថយន្តស្រាប់តែស៊ីសាំងខុសប្លែកពីសព្វដង។ ខាងក្រោមនេះជាហេតុផលញមួយចំនួនដែលអាចធ្វើឲ្យរថយន្តស៊ីសាំងខុសធម្មតា៖
១. ប៊ិចសាំងខូច ឬកកស្ទះ ៖ ហេតុផលដ៏ពេញនិយមមួយដែលនាំឲ្យរថយន្តស៊ីសាំង គឺនៅពេលដែលប៊ិចសាំងខូច ឬកកស្ទះ។ ប៊ិចសាំងមាននាទីបាញ់សាំងចូលស៊ីឡាំង ហើយពេលដែលវាខូច ឬឡើងស្ទះ វាធ្វើឲ្យការបាញ់សាំងខុសប្រក្រតី។
២. តម្រងខ្យល់នៃម៉ាស៊ីនឡើងកខ្វក់ ៖ ប្រសិនបើតម្រងខ្យល់របស់ម៉ាស៊ីនមានពោរពេញទៅដោយធូលីដី ធ្វើឲ្យម៉ាស៊ីនដំណើរការមិនបានល្អ និងធ្វើឲ្យស៊ីសាំងជាងពីមុន។ ដូចនេះឧស្សាហ៍ពិនិត្យតម្រង ហើយប្ដូរវាប្រសិនបើឃើញថាកខ្វក់ខ្លាំង។
៣. តម្រងប្រេងកកស្ទះ ៖ តម្រងប្រេងមានតួនាទីរាំងស្ទះសារធាតុកខ្វក់មិនឲ្យចូលទៅក្នុងម៉ាស៊ីន ប្រសិនបើវាកកស្ទះវាអាចធ្វើឲ្យសម្ពាធប្រេងសាំងចុះទាប និងធ្វើឲ្យម៉ាស៊ីនដំណើរការមិនល្អ។
៤. ប្រេងម៉ាស៊ីនចាស់ ឬប្រើប្រាស់ប្រេងម៉ាស៊ីនខុស
៥. សម្ពាធខ្យល់ក្នុងកង់ទាបជាងសម្ពាធដែលបានណែនាំ៖ កង់មានសម្ពាធខ្យល់ទាបជាងសម្ពាធដែលណែនាំទៅតាមប្រភេទរថយន្ត វានឹងបង្កើនកម្លាំងទប់ទល់ការរំកិលទៅមុខកាន់តែខ្លាំងជាងមុន ដែលជាលទ្ធផលធ្វើឲ្យម៉ាស៊ីនស៊ីសាំងច្រើនជាងមុនចន្លោះពី ៥-១០%។
៦. រថយន្តផ្ទុកឥវ៉ាន់ឥតប្រយោជន៍ច្រើន៖ ទម្ងន់កាន់តែធ្ងន់ធ្វើឲ្យរថយន្តបញ្ចេញកម្លាំងកាន់តែខ្លាំង ហើយក៏សុំសាំងច្រើនដូចគ្នា៕