តំណាលគ្នានឹងការបើកឱ្យកម្មង់ iPhone 15 ទាំង ៤ម៉ូឌែល Apple ក៏ដាក់ឱ្យប្រើជាជំនាន់ផ្លូវកសារ Public Version នៃ iOS 17 ផងដែរ។
មកដល់ពេលនេះមានអ្នកអាប់ឌែតឡើងទៅ iOS 17 ច្រើនហើយ ដោយឡែកចាប់ពីម៉ូឌែលiPhone 8, iPhone 8 Plus, iPhone X ដែលចេញកាលពី ឆ្នាំ២០១៧ ចុះក្រោម គឺមិនអាចអាប់ឌែតឡើងបានឡើយ។
គួរបញ្ជាក់ថា iOS 17 មានមុខងារថ្មីនិងកែកុនឱ្យល្អជាងមុនជាច្រើន រួមមាន មុខងារ Standby បង្ហាញផ្ទាំង Widget ស្អាតៗពេលសាកថ្ម, NameDrop អាចផ្ទេរបញ្ជី Contact គ្រាន់តែដាក់ទូរសព្ទក្បែរគ្នា, មុខងារ Contact Posters គឺសម្រាប់តុងតែងទៅលើ Contact, មុខងារគ្រវាស លើសារ iMessage ដោយគ្រាន់តែគ្រវាសទៅស្ដាំ, Widget កាន់តែមានមុខងារច្រើន ដោយអ្នកប្រើមិនបាច់ចូលទៅកម្មវិធីឡើយ, Stickers Drawer អាចបង្កើត Sticker បានដោយខ្លួនឯងងាយៗ និងមុខងារ Hey Siri កាន់តែងាយជាងមុន ដោយបន្ថយការនិយាយ hey siri ដដែលៗ៕
