iOS 17 ជំនាន់សាធារណៈ ឬ Public Version បានដាក់ឱ្យប្រជាផ្លូវការហើយ តែបើអ្នកនៅទាក់ទើរ មិនហ៊ានអាប់ឌែត បារម្ភច្រើន មកមើលចំណុចល្អៗទាំង ៧ នេះ លើ OS ជំនាន់ថ្មីបន្ទាប់មកសឹមពិចារណាម្ដងទៀត ថាគួរអាប់ឌែតឬអត់?
១. មុខងារ Standby ពេលទូរសព្ទដាក់ផ្ដេកលើជើងទម្រ និងសាកបញ្ចូលថ្ម មុខងារនេះនឹងដំណើរការស្វ័យប្រវត្តិ វាស្រដៀងនឹងមុខងារ Always On Display ដែរ ប៉ុន្ដែវាបង្ហាញផ្ទាំង Widget ធំៗជាង និងមានពណ៌ រួមទាំងមានចលនាស្អាតៗទៀតផង ពិសេសគឺការមើលម៉ោង និងប្រក្រតិទិនជាដើម។
២. មុខងារ NameDrop មុខងារនេះកាន់តែពិសេស គ្រាន់ដាក់ក្បាលទូរសព្ទរកគ្នា ឬដាក់ក្បែរគ្នា វានឹងលោតផ្ទេរលេខទូរសព្ទទៅវិញទៅមក រវាងទូរសព្ទទាំងពីរ វាមានចលនាស្អាត និងមានរំញ័រកន្ត្រាក់ប្លែកអារម្មណ៍ផងដែរ។
៣. មុខងារ Contact Posters គឺសម្រាប់តុងតែងទៅលើ Contact ដែលជាបញ្ជីឈ្មោះទូរសព្ទឱ្យមានជម្រើសកាន់តែច្រើន មិនថាការដាក់រូប ការដាក់ emoji និងមានការកែកុន backround តួអក្សរឈ្មោះ និងពណ៌ផ្សេងៗតាមចិត្តចង់។
៤. មុខងារគ្រវាស លើសារ iMessage ដោយគ្រាន់តែគ្រវាសទៅស្ដាំ នោះវានឹងចាប់ផ្ដើមឆ្លើយសារបានតែម្ដង។
៥. Interactive Widgets Apple បានកែខៃ Widget ឱ្យកាន់តែមានមុខងារច្រើន ដោយអ្នកប្រើមិនបាច់ចូលទៅកម្មវិធីឡើយ គឺយើងត្រឹមប្រើនៅផ្ទៃខាងក្រៅ ចំពោះមុខងារខ្លះ ដូចជាការប្រើ Widget របស់ Reminder, Podcast, Song។ ចំណែកកម្មវិធីក្រៅពីរបស់ Apple នឹងមានអាប់ឌែតសម្រាប់មុខងារថ្មីនេះនាពេលខាងមុខ។
៦. Stickers Drawer កាន់តែងាយ គឺអ្នកប្រើអាចបង្កើត sticker បានភ្លាមនៅក្នុងមុខងារ sticker ពិសេសគឺគ្រាន់តែចង់បាន រូបឬវត្ថុ អ្វីមួយមកធ្វើជា sticker គ្រាន់តែថត ឬបើករូបសង្កត់ឱ្យជាប់ ចុចបញ្ចូលទៅកាន់ sticker ជាការស្រេចតែម្ដង។
៧. Hey Siri កាន់តែងាយប្រើជាងមុន ពីមុនឆ្លងឆ្លើយជាមួយ siri ត្រូវនិយាយ hey siri ជាប់ ឥលូវនេះនិយាយថា Siri តែម្ដង បន្ទាប់មកបញ្ជារ siri បន្តដោយមិនបាច់និយាយ hey siri ដដែលៗនោះទេ៕