[ទីផ្សារបរទេស] នៅខែសីហា ឆ្នាំ២០២៣ ទីផ្សាររថយន្តនៅប្រទេសចិន បន្តរីកចម្រើនខ្លាំងឥតឈប់ឈរ ដោយមានរថយន្តថ្មីសរុប ១,៩២លានគ្រឿង បានចុះបញ្ជី។ នេះបើតាមទិន្នន័យរបស់សមាគមយានយន្តនៃប្រទេសចិន។
តួលេខនេះ មានការកើនឡើង ២,៥% ធៀបនឹងខែមុន ដោយរថយន្តថាមពលថ្មី ដែលសំដៅដល់រថយន្តអគ្គិសនីសុទ្ធ និងរថយន្ត PHEV មានចំនួន ៣៧,៣% នៃចំនួនចុះបញ្ជីសរុប។
ទាក់ទងនឹងម៉ាករថយន្តដែលលក់រថយន្តបានច្រើនជាងគេកាលពីខែសីហា គឺម៉ាករថយន្ត BYD ដែលចំនួនលក់មានការកើនឡើង ៣៦,២% ធៀបនឹងឆ្នាំ២០២២ ពោលលក់ចេញបាន ២៣០ ០៧៧គ្រឿង ក្ដោបក្ដាប់ទីផ្សារបាន ១១,៩៨%។
ខាងក្រោមនេះជាក្រុមហ៊ុនដែលលក់រថយន្តបានច្រើនជាងគេចំនួន៩ ផ្សេងទៀត នៅប្រទេសចិន ប្រចាំខែសីហា ៖
២. Volkswagen លក់បាន ១៩៥ ៥៤៨គ្រឿង ថយចុះ ៦%
៣. Toyota លក់បាន ១៥៥ ៤៩១គ្រឿង ថយចុះ ៥,៩%
៤. Honda លក់ចេញបាន ១០២ ១០៥គ្រឿង ថយចុះ ២៤,៥%
៥. Changan លក់ចេញបាន ៨២ ២៤៣គ្រឿង ថយចុះ ០,៧%
៦. Geely លក់ចេញបាន ៧៦ ៩១៨គ្រឿង កើនឡើង ២៣,២%
៧. Tesla លក់ចេញបាន ៦៤ ៦៩៤គ្រឿង កើនឡើង ១២២,៩%
៨. BMW លក់ចេញបាន ៦០ ១១៦គ្រឿង កើនឡើង ៥,៥%
៩. Mercedes-Benz លក់ចេញបាន ៥៨ ១៦៨គ្រឿង កើនឡើង ១២,៩%
១០. Wuling លក់ចេញបាន ៥៧ ៧៩៤គ្រឿង ថយចុះ ៤,៥%