មានដំណឹងលេចឭថា iPhone 15 Pro នឹងបំពាក់ប៊ូតុង Action ដែលធ្លាប់ឃើញមានលើ នាឡិកា Apple Watch Ultra។ ដែលការបំពាក់នេះ គឺជំនួសឱ្យប៊ូតុង Mute សម្រាប់បិទសំឡេង ដែលមានតាំងពី iPhone ជំនាន់ដំបូងម៉្លេះ។
ដំណឹងលេចឮនេះគឺយោងទៅតាម កូដខាងក្នុងនៃកម្មវិធីរបស់ iOS 17 beta ដោយក្នុងនោះឃើញពីមុខងារជាច្រើនពី Action Button ដែលអាចធ្វើបានលើ iOS 17 ឬ iPhone ជំនាន់ថ្មីដូចជា៖
– Accessibility
– Camera
– Flashlight
– Focus
– Magnifier
– Shortcuts
– Silent Mode
– Translate
– Voice Memos
មុខងារទាំងនេះ មានតែឈ្មោះមុខងារប៉ុណ្ណោះដែលត្រូវបានរាយក្នុងបញ្ជី ដូច្នេះវាមិនច្បាស់ថាតើមុខងារនីមួយៗនឹងធ្វើអ្វីទេ។ ប៉ុន្ដែគេអាចសន្និដ្ឋានខ្លះៗបានថា ឧទាហរណ៍ដូចជា Shortcuts វានឹងអាចហៅកម្មវិធីដែលកំណត់យកមកប្រើ ឬ Camera គ្រាន់តែចុច វាអាចនឹងថតរូប ឬវីដេអូភ្លាមៗ។
យ៉ាងណាទាំងនេះជាដំណឹង យោងទៅតាមប្រភពជាច្រើន និងដំណឹងលេចធ្លាយកន្លងមក ដើម្បីកាន់តែច្បាស់ថា iPhone 15 ទាំង ៤ម៉ូឌែល ជាក់ច្បាស់យ៉ាងណានោះ សូមរង់ចាំដានតាមព្រឹត្តិការណ៍ធំ Apple Event ដែលនឹងប្រារពនៅថ្ងៃទី១២ ខែកញ្ញា ឆ្នាំ២០២៣ ខាងមុខនេះ៕