នៅថ្ងៃពុធ ទី២០ កក្កដានេះ មន្ទីរពិសោធន៍ Abbott បានបង្កើនការព្យាករណ៍ប្រាក់ចំណូលប្រចាំឆ្នាំរបស់ខ្លួន ដោយសារតម្រូវការឧបករណ៍វេជ្ជសាស្ត្រ និងផលិតផលវិភាគជំងឺ ដែលបានជួយការពារផលប៉ះពាល់នៃការបិទរោងចក្រផលិតទឹកដោះគោទារករបស់ខ្លួន។
ការធ្វើតេស្តរកកូវីដ១៩ បានការពារប្រាក់ចំណូលរបស់ក្រុមហ៊ុនក្នុងអំឡុងពេលជំងឺរាតត្បាត។ ក្រុមហ៊ុនបានរាយការណ៍ថាការលក់ដែលទាក់ទងនឹងការធ្វើតេស្តកូវីដ១៩ បានចំនួន ២,៣ ពាន់លានដុល្លារនៅក្នុងត្រីមាសទី២ ខណៈដែលការលក់ឧបករណ៍វេជ្ជសាស្រ្តបានកើនឡើង ២,៥ ភាគរយនៅក្នុងត្រីមាសទី២។
Abbott បាននិយាយថា ខ្លួនរំពឹងយ៉ាងហោចណាស់នឹងកើនឡើងតម្លៃ ៤,៩0 ដុល្លារ ក្នុងមួយភាគហ៊ុននៅក្នុងប្រាក់ចំណូលក្នុងឆ្នាំ ២០២២ បើធៀបនឹងការព្យាករណ៍យ៉ាងហោចណាស់ ៤,៧0 ដុល្លារកាលពីមុន។
ការលក់នៅអង្គភាពអាហារូបត្ថម្ភរបស់ Abbott បានធ្លាក់ចុះ ៧,៤ ភាគរយ ដែលរងការវាយប្រហារដោយការប្រមូលមកវិញនូវរូបមន្តទារករបស់ខ្លួន និងការបិទអស់ជាច្រើនខែនៅរោងចក្រ Michigan របស់ខ្លួន ដែលជាចំណុចកណ្តាលនៃកង្វះខាតម្សៅទឹកដោះគោនៅសហរដ្ឋអាមេរិក៕