កាលពីថ្ងៃទី ១៥ ខែកក្កដា គណៈកម្មការអឺរ៉ុប (EC) បានស្នើជាផ្លូវការនូវកញ្ចប់ទណ្ឌកម្មចុងក្រោយ (Package of Sancton)បង្អស់ ដើម្បីអនុវត្តចំពោះទីក្រុងម៉ូស្គូ រួមទាំងការហាមឃាត់ការនាំចូលមាសពីរុស្ស៊ីផងដែរ។
“កញ្ចប់ទណ្ឌកម្ម នឹងណែនាំការហាមឃាត់ការនាំចូលថ្មី អនុវត្តចំពោះមាសរបស់រុស្ស៊ី និងពង្រឹងគោលនយោបាយគ្រប់គ្រងការនាំចេញនៃបច្ចេកវិទ្យាខ្ពស់ និងការប្រើប្រាស់ចំនួនពីរ (សម្រាប់ទាំងការប្រើប្រាស់យោធា និងស៊ីវិល)”។ EC បាននិយាយនៅក្នុងសេចក្តីថ្លែងការណ៍ថា “ទាំងនេះនឹងផ្គូផ្គង់នឹងទណ្ឌកម្មរបស់ EU ជាមួយនឹង G7 ។ វាក៏ជួយ EU រឹតបន្តឹងការបង្កកទ្រព្យសម្បត្តិរបស់ខ្លួន” ។
EC ហៅគោលនយោបាយថ្មីថាជា “កញ្ចប់ថែទាំ និងតម្រង់ទិស”។ ក្រុមមន្ត្រីចាត់ទុកថានេះជាកញ្ចប់ទណ្ឌកម្ម 6.5 ពីព្រោះទំហំតូចជាងការដាក់ទណ្ឌកម្មប្រាំមួយជុំមុន បន្ទាប់ពីយុទ្ធនាការយោធារបស់រុស្ស៊ីនៅអ៊ុយក្រែន។
នៅពេលដែលបានស្នើឡើង កញ្ចប់នេះនឹងត្រូវការការយល់ព្រមពីរដ្ឋាភិបាលជាតិដើម្បីក្លាយជាច្បាប់។ អ្នកការទូតនិយាយថា នេះនឹងជាការចរចាដ៏ចម្រូងចម្រាសមួយទៀត និងមិនងាយស្រួលឡើយ។ ឯកអគ្គរដ្ឋទូតនៃប្រទេសនានានឹងជួបនៅថ្ងៃចន្ទ និងថ្ងៃពុធសប្តាហ៍ក្រោយ។
Reuters បានដកស្រង់ប្រភពជិតស្និទ្ធមួយបាននិយាយថា ការនាំចូលមាសរបស់រុស្ស៊ីតាមរយៈប្រទេសទីបីក៏អាចរងផលប៉ះពាល់ផងដែរ។ ទីក្រុងព្រុចសែលក៏នឹងរឹតបន្តឹងទណ្ឌកម្មដែលមានស្រាប់ ជាមួយនឹងការរឹតបន្តឹងថ្មីលើការនាំចេញទៅកាន់ប្រទេសរុស្ស៊ី ដែលអាចត្រូវបានប្រើសម្រាប់គោលបំណងយោធា ដូចជាសារធាតុគីមី ឬគ្រឿងម៉ាស៊ីនជាដើម។
បុគ្គល និងអង្គភាពថ្មីៗជាច្រើនដែលត្រូវបានចាត់ទុកថាមានទំនាក់ទំនងជាមួយវិមានក្រឹមឡាំងក៏នឹងត្រូវដាក់ក្នុងបញ្ជីខ្មៅ ទ្រព្យសម្បត្តិត្រូវបានបង្កក និងទិដ្ឋាការត្រូវបានបញ្ឈប់៕