លោក Jeff Bezos បានផ្តល់ប្រាក់ចំនួន ៦៨៤ លានដុល្លារ ដល់អង្គការមិនរកប្រាក់ចំណេញ រយៈពេលប៉ុន្មានថ្ងៃប៉ុណ្ណោះបន្ទាប់ពីលោកបានប្រកាសនៅលើ Instagram ថា លោកបានជ្រើសរើសអង្គការចំនួន ១៦ ដើម្បីក្លាយជាអ្នកទទួលប្រាក់ដំបូងពីមូលនិធិ Bezos Earth Fund។
បុរសដែលមានទ្រព្យសម្បត្តិច្រើនជាងគេបំផុតនៅលើពិភពលោក សរុបចំនួន ១៨៣,៦ ពាន់លានដុល្លារ រូបនេះ បានបរិច្ចាគទឹកប្រាក់ដែលស្មើនឹងភាគហ៊ុន Amazon ចំនួន ២២០ ៨២៥ ភាគហ៊ុនឯណោះ។ បើគិតទៅ ស្ថាបនិកក្រុមហ៊ុន Amazon ខាងលើ បានលះបង់ភាគហ៊ុនមានតម្លៃសរុប ៨៥៦ លានដុល្លារមកហើយ នៅក្នុងឆ្នាំ២០២០នេះ។ នេះបើយោងតាម Bloomberg Billionaires Index។
ពាណិជ្ជកម្ម
គួររំលឹកឲ្យដឹងថា លោក Bezos បានប្រកាសអំពីមូលនិធិ Bezos Earth Fund របស់ខ្លួន កាលពីខែកុម្ភៈ ជាមួយនឹងទំហំទឹកប្រាក់ ១០ ពាន់លានដុល្លារ ដែលខិតខំដើម្បីទប់ទល់នឹងការប្រែប្រួលអាកាសធាតុ៕