ក្រុមហ៊ុន Amazon បានប្រកាសថា Amazon Appstore សម្រាប់ទូរស័ព្ទដៃ Android នឹងបញ្ចប់ការដំណើរការនៅថ្ងៃទី 20 ខែសីហា ខាងមុខនេះ ពោលគឺបន្ទាប់ពីថ្ងៃនោះ អ្នកប្រើប្រាស់នឹងមិនអាចប្រើ Appstore លើទូរស័ព្ទ Android បានទៀតនោះទេ។ ប៉ុន្តែបច្ចុប្បន្នមិនមានព័ត៌មានច្បាស់ថាកម្មវិធីដែលបានដំឡើងពី Amazon Appstore នឹងបន្តដំណើរការបានទៀតឬអត់នោះទេ។
ក្នុងនោះ Amazon Coins ក៏នឹងត្រូវបញ្ឈប់ដែរ គឺនៅថ្ងៃដូចគ្នា។ ខណៈបច្ចុប្បន្ន Amazon Coins មិនអាចទិញបានទៀតនោះទេ ប៉ុន្តែប្រសិនបើអ្នកមាន Amazon Coins នៅក្នុងគណនីត្រូវប្រើវាមុនថ្ងៃទី 20 ខែសីហា។ ជាមួយគ្នានេះផងដែរ ក្រុមហ៊ុន Amazon បានអះអាងថា អ្នកប្រើប្រាស់អាចនឹងទទួលការសងប្រាក់វិញ ប៉ុន្តែព័ត៌មានលម្អិតនឹងត្រូវប្រកាសនៅពេលក្រោយ។
គួរឲដឹងថា កាលពីមុខ Amazon Appstore ត្រូវបានបង្កើតឡើងដើម្បីប្រកួតប្រជែងជាមួយ Google Play Store ប៉ុន្តែវាមិនមានឥទ្ធិពលលើទីផ្សារធំៗនោះឡើយ ប៉ុន្តែឥឡូវនេះ ក្រុមហ៊ុន Amazon ផ្ទាល់បានសម្រេចចិត្តបោះបង់វា និងផ្តោតទៅលើការអភិវឌ្ឍវិស័យផ្សេងជំនួសវិញ៕