[ទីផ្សារបរទេស] បច្ចុប្បន្ននេះក្រុមហ៊ុនផលិតម៉ូតូ Yamaha នៅក្នុងប្រទេសថៃបានប្រកាសដាក់លក់នូវម៉ូឌែល Exciter 155 VVA ស៊េរីឆ្នាំ ២០២២ ដែលទទួលបានការអាប់ដេតពណ៌ថ្មី រូបរាងបែបស្ព័រ និងកម្លាំងខ្លាំង។
សម្រាប់ម៉ូតូ Exciter 155 VVA មានជម្រើសពណ៌ថ្មីដូចជា៖ GP Blue និង RC Black ជាមួយនឹងពណ៌ចម្រុះថ្មី និងតែមដែលធ្វើឱ្យម៉ូតូមើលទៅកាន់តែស្ព័រខ្លាំង។
ម៉ូតូ Exciter 155 VVA បានបំពាក់នូវកុងទ័រឌីជីថល LCD, ចង្កៀងមុខ-ក្រោយ LED និងប្រើប្រាស់ Mechnamical Key ។ ប៉ុន្តែម៉ូឌែលនេះមិនមានការប្រើប្រាស់នូវប្រព័ន្ធ Smart key និងកន្លែងសាក UBS ឬទូរស័ព្ទនោះទេ។
ចំពោះថាមពលនៃម៉ូតូ Exciter 155 VVA បានប្រើប្រាស់ម៉ាស៊ីនសាំងចំណុះ SOHC ទំហំ ១ស៊ីទ្បាំង ប្រព័ន្ធស្អំប្រេង Liquid-Cooled ចំណុះ ១៥៥សេសេ ផលិតកម្លាំង ១៧,៧សេះ និងកម្លាំង ១៤,៤ ញ៉ូតុនម៉ែត្រ។ ព្រមទាំងបំពាក់នូវប្រព័ន្ធហ្វាំ្រងឌីសមុខក្រោយផងដែរ។
ម៉ូតូ Exciter 155 VVA ស៊េរីឆ្នាំ ២០២២ មានតម្លៃចាប់ពី ២ ០៧៦ ដុល្លារសម្រាប់ទីផ្សារនៅក្នុងប្រទេសថៃ៕
