រូបថតដើរលើភពព្រះច័ន្ទដើម ដាក់លក់ដេញថ្លៃ បានក្នុងតម្លៃ ៧៧០០ ដុល្លារ

ស៊េរីរូបថតដើមរបស់ NASA ពីបេសកកម្ម Apollo ត្រូវបានលក់ក្នុងតម្លៃសរុបជាង ១៧០ ០០០ដុល្លារ ក្នុងការដេញថ្លៃនៅទីក្រុង Copenhagen ប្រទេសដាណឺម៉ាក កាលពីថ្ងៃពុធ។

ពាណិជ្ជកម្ម

រូបថតដែលជាកម្មសិទ្ធិឯកជនចំនួន ៧៤ សន្លឹកពីបេសកកម្ម Apollo 8-17 ក្នុងនោះរួមមានទាំងរូបថតដើរលើភពព្រះច័ន្ទដ៏ល្បីល្បាញមួយរបស់ Buzz Aldrin ក្នុងអំឡុងពេលចុះចតជាលើកដំបូង នៅក្នុងខែកក្កដា ឆ្នាំ ១៩៦៩ លក់បានក្នុងតម្លៃ ៧ ៧០០ដុល្លារ។

គួរឲ្យដឹងថា រូបថតរបស់ Buzz Aldrin ក្នុងឈុតអវកាសយានិក និង Neil Armstrong ដែលបានថតរូប ហើយអាចត្រូវបានគេមើលឃើញឆ្លុះលើកញ្ចក់មួករបស់ Aldrin បានដាក់បង្ហាញនៅលើក្របទស្សនាវដ្តី National Geographic and Life ក្នុងឆ្នាំ ១៩៦៩។

មិនតែប៉ុណ្ណោះ រូបថតពណ៌ដំបូង នៃភពផែនដីដំបូងបង្អស់ ដែលមនុស្សបានឃើញក្នុងអំឡុងពេលបេសកកម្ម Apollo 8 ក្នុងឆ្នាំ ១៩៦៨ បានលក់ក្នុងតម្លៃខ្ពស់បំផុត ៣ ៨០០ដុល្លារ។

យ៉ាងណាមិញ រូបថតដើមរបស់ NASA ក៏ត្រូវបានចេញផ្សាយក្នុងចំនួនកំណត់ សម្រាប់ការសិក្សាវិទ្យាសាស្ត្រ និងការបោះពុម្ពផ្សាយមួយចំនួន នៅក្នុងទស្សនាវដ្តីអន្តរជាតិផងដែរ៕