ក្រុមហ៊ុនផលិតរថយន្តរបស់ឆេក Skoda គ្រោងនឹងសាងសង់រោងចក្រនៅខេត្ត Quang Ninh ភាគខាងជើង ប្រទេសវៀតណាម ហើយរំពឹងថា នឹងចាប់ផ្តើមផលិត និងនាំចេញរថយន្តនៅឆ្នាំ ២០២៣ តែម្តង។
ថ្នាក់ដឹកនាំក្រុមហ៊ុន Skoda បានធ្វើការជាមួយតំណាងក្រសួងឧស្សាហកម្ម និងពាណិជ្ជកម្ម លើផែនការសាងសង់រោងចក្រខាងលើ។
លោក Martin Jahn នាយកក្រុមហ៊ុន Skoda Auto បាននិយាយថា ទីផ្សាររថយន្តវៀតណាមមានទំហំតូច ប៉ុន្តែមានការសន្យាខ្លាំងណាស់។
“ទំនាក់ទំនងនយោបាយ និងពាណិជ្ជកម្មរវាងប្រទេសទាំងពីរ តំណាងឲ្យឱកាសទូលំទូលាយសម្រាប់កិច្ចសហប្រតិបត្តិការ”។
យោងតាមក្រសួងផែនការ និងវិនិយោគប្រទេសវៀតណាម បានឲ្យដឹងថា មានគម្រោងឆេកចំនួន ៤៤ នៅប្រទេសវៀតណាម ដែលមានទុនវិនិយោគសរុប ៩១ លានដុល្លារឯណោះ។
សូមបញ្ជាក់ថា Mercedes-Benz និង Peugeot គឺជាក្រុមហ៊ុនផលិតរថយន្តអឺរ៉ុបពីរ ដែលមានរោងចក្រនៅក្នុងប្រទេសវៀតណាម ខណៈដែលរោងចក្ររបស់ BMW ត្រូវបានគេរំពឹងថានឹងបញ្ចប់នៅឆ្នាំនេះ។
Skoda បានផលិតរថយន្តប្រហែល ៩០០ ០០០ គ្រឿងកាលពីឆ្នាំមុន ហើយលក់បានជិតពាក់កណ្តាលនៅអឺរ៉ុបខាងលិច។ វាត្រូវបានបង្កើតឡើងក្នុងឆ្នាំ ១៩២៥ ជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតរថយន្តអាល្លឺម៉ង់ Volkswagen៕