CEO ក្រុមហ៊ុន Tesla លោក Elon Musk បានបង្ហោះសារនៅលើបណ្តាញសង្គម Twitter ដើម្បីប្រាប់ទៅកាន់ Follower របស់លោកថា “រឿងមិនគួរឲ្យជឿបំផុតកំពុងកើតឡើង” បន្ទាប់ពីលោកបានធ្វើតេស្តរកជំងឺកូវីដ១៩ ស្រាប់តែលទ្ធផលចេញមកមានទាំងវិជ្ជមាន និងអវិជ្ជមានក្នុងថ្ងៃតែមួយ។
ពាណិជ្ជកម្ម
ក្នុងនោះ លោក Musk បានធ្វើតេស្តចំនួន ៤ដងក្នុងថ្ងៃតែមួយ ប៉ុន្តែលទ្ធផលបែរចេញមក អវិជ្ជមាន២ និងវិជ្ជមាន២ ទៅវិញ។
ជាមួយគ្នានេះដែរ លោកបានបញ្ជាក់ឲ្យដឹងបន្ថែមថា លោកបានប្រើការតេស្តដដែល, ម៉ាស៊ីនដដែល និងជាមួយគិលានុបដ្ឋាយិកាដដែលទៀតផង។
ទោះជាយ៉ាងណាក៏ដោយ លោក Musk បានទទួលការធ្វើតេស្ត PCR (Polymerase Chain Reaction) មួយទៀត ដែលវាជាការធ្វើតេស្តដ៏សុក្រិត្យបំផុតមួយ។ រីឯលទ្ធផលយ៉ាងណា មានតែរង់ចាំមើលលទ្ធផលបន្តទៀតប៉ុណ្ណោះ៕